تورکیه روسیه بیلن اوکراین اورته سیده گی اوروش نی توخته تیش گه حرکت قیلماقده

تورکیه جمهوریتی جمهوررئیسلیک ارتباط لر باشقرمه سی نینگ باشلیغی فخرالدین آلتون اجتماعی ترماق آرقه لی بیرگن بیاناتیده, تورکیه نینگ, روسیه بیلن اوکراین اورته سیده گی اوروش نی توخته تیش گه حرکت قیلیاتگن لیگی نی معلوم قیلدی. 

آلتون, تورکیه نینگ اوشبو اوروش نینگ توخته تیلیشی اوچون دیپلماتیک فعالیت لر یوریتیاتگن لیگی نی بیلدیررایکن, "تورکیه منطقه ده تینچلیک و برقرارلیک نینگ اورنه تیلیشی اوچون سعی و حرکت قیلماقده" دییه قید ایتدی. 

عینی دمده آلتون, تورکیه جمهوریتی جمهوررئیسی رجب طیب اردوغان نینگ هم, تینچلیک نینگ اورنه تیلیشی اوچون دیپلماتیک فعالیت لر یوریتیاتگن لیگی نی بیلدیردی. 

آلتون, " انسان لر جهتی دن بوندن آرتیق یمان بیر وضعیت نینگ حاکم بولمس لیگی اوچون اینگ قیسقه مدتده بیر ییچیم یولی تاپیش نی خواهله ماقده میز" دییه قید ایتدی. 

تورکیه نینگ آتشکیسین توغریسیده آلمان و باشقه ناتو متفق لری بیلن بیر خیل توشینچه گه ایگه ایکن لیگی نی بیلدیرگن آلتون, بحران جریانیده اوکراین نی حربی, سیاسی و بشری جهت دن قوللب- قوتله گن لیک لری نی معلوم قیلدی. 

آلتون, جمهوررئیس اردوغان نینگ, هیچ بیر ملت گه فایده سی بولمه گن کیلیشمَوچیلیک لرنینگ ییچیلیشی اوچون فعالیت یوریتیش گه دوام ایته دیگن لیگی نی معلوم قیلرایکن, اوکراین نینگ ارضی تمامیتی و مستقل لیگی بوییچه تورکیه نینگ سیاستی نینگ انیق ایکن لیگی نی ینه بیر بار ایسله تیب اوتدی.