امریکا قوشمه ایالتلریده اونلب حربی اردو دن هیده لدی

امریکا قوشمه ایالتلریده یوزدن آرتیق دینگیز پیاده حربی سی, دولت رهبری جو بایدن نینگ واکسین قانونی گه مخالفت قیلگن لیگی سببلی اردو دن هیده لدی. 

دینی سبب لر بیلن واکسین معافیتی کوتیب تورگن حربی لرنینگ طلب لری ایسه رد ایتیلدی. 

دینگیز کوچ لری, Marine Corps Times مجله سی گه بیرگن بیاناتیده اوشبو خبر نینگ توغری ایکن لیگی نی بیلدیردی. 

حاضرگه چه 103 حربی نینگ اردو دن هیده لگن لیگی بیلدیریلدی. 

دینگیز پیاده لری سوزچیسی جیم استینگر مجله بیلن قیلگن مصاحبه سیده, طبی و اداری سبب لر بیلن بیر مینگ 7 کیشی نینگ واکسین دن معاف قیلینگن لیگی, حاضرگی کون گه قدر 2 مینگ 836 واکسین معافیتی طلبی نینگ رد ایتیلگن لیگی نی معلوم قیلدی. 

دینی سبب لر بیلن هیچ کیمسه گه واکسین معافیتی بیرمه گن دینگیز پیاده کوچ لری نینگ, قالگن 300 گه یقین حربی نینگ طلبی نی هم رد ایتیشی کوتیلماقده. 

ویروس گه قرشی ایمله نیش لری یاکه معافیت اوچون مراجعه قیلیش لری اوچون حربی لر گه 28- نوامبر گه قدر وقت بیریلگن ایدی. 

اوتگن هفته ده هم خوددی شوو سبب بیلن امریکا قوشمه ایالتلری هوا کوچ لری دن تقریباً 27 حربی هیده لگن ایدی.