بوگون امریکا قوشمه ایالتلری ده کرونا ویروس واکسینی تست ایتیله دی

امریکا قوشمه ایالتلریده اویلب چیقاریلگن ینگی تور کرونا ویروس (Covid-19) نینگ واکسینی, بوگون بیرینچی مرته واشنگتن ایالتیده تست ایتیله دی. 

اسوشیتید پرس خبر آژانسی, امریکا قوشمه ایالتلری حکومتی نینگ مسئول لری نینگ سوزلری گه کوره بیرگن خبریده, ملی ساغلیق انستیتوتی تامانیدن تمویل ایتیلگن اوشبو واکسین نینگ تست ایتیله دیگن لیگی نی معلوم قیلدی. 

خوددی شوو واکسین نینگ 45 نفر ساغلام داوطلب کیشی گه تطبیق ایتیله دیگن لیگی نی بیلدیرگن مسئول لر, اوشبو کیشی لر گه ویروس نینگ یوقیشی نینگ ممکن ایمس لیگی و واکسین نینگ فقط گینه جانبی تاثیر لری نینگ تست ایتیله دیگن لیگی نی بیلدیردی. 

مسئول لر, کرونا ویروس تستی مثبت چیققن کیشی لر اوچون استفاده ایتیله دیگن بیر واکسین نینگ تولید ایتیلیشی اوچون 8 آی یاکه بیر ییللیک بیر مدت گه ضرورت ایکن لیگی نی معلوم قیلدی. 

دنیا ساغلیق نی سقلش تشکیلاتی کرونا ویروس نینگ جهان بویلب تقریباً 160 مینگ کیشی گه یوققن لیگی نی بیلدیردی. 

کرونا ویروس 5 مینگ 800 کیشی نینگ اولیمی گه سبب بولدی.