چین امریکا گه هشدار بیردی

چین مدافعه وزیرلیگی سوزلاوچی سی امریکا قوشمه ایالت لری جت لری نینگ شرقی چین دینگیزیده, چین اوروش طیاره لری تامانیدن یمان بیر شکلده توسیق لنگن لیگی ادعاسی نینگ یلغان ایکن لیگی نی معلوم قیلرایکن, واشنگتن رهبریتی نینگ چین توپراق لریدن اوزاق توریشی کیره ک ایکن لیگی نی بیلدیردی. 

وزیرلیک سوزلاوچیسی رین گواچیانگ, چین اوروش طیاره لری نینگ قانونی حق لریدن فایده لنگن لیگی نی بیلدیررایکن, امریکا اردوسی کوچ لری نینگ شرقی چین دینگیزیده گی قانون لر گه اویغون بولمه گن فعالیت لری نی توخته تیشی نینگ ضروری ایکن لیگی نی معلوم قیلدی. 

امریکا نینگ کشف طیاره لری نینگ یکشنبه کونی شرقی چین دینگیزیده گی هوا ساحه سی گه یقین بیر جای گه کیلگن لیگی نی بیلدیرگن سوزلاوچی, چین پیلوت لری نینگ ایسه قانون لر گه اویغون بیر شکلده خودی منه شوو طیاره لر گه مانع بولگن لیگی نی بیلدیردی. 

چین تشقی ایش لر وزیرلیگی سوزلاوچیسی لو کانگ ایسه, "امریکا نینگ کیله جک ده بیر حادثه گه سبب بولمس لیک اوچون منطقه ده خلق ارا حقوق گه ضد حرکت لری دن واز کیچیشی کیره ک" دییه قید ایتدی. 

امریکا قوراللی کوچلری, شرقی چین دینگیزی بیلن سریغ دینگیز نینگ اورته سیده گی بیر ساحه ده امریکا نینگ بیر کشف طیاره سی نینگ خلق ارا هوا ساحه سیده چین اوروش طیاره لری تامانیدن جوده یمان بیر وضعیت توسیقلنگن لیگی نی ادعا ایتگن ایدی.