هر یول روم گه باره دی

هر یول روم گه باره دی

 بوگونگی برنامه ده تاریخده فتح و مهندسلیک معماریلری بیلن تن آلینگن روم امپراتورلیگیدن بحث ایته میز. بوگونگی موضوع افریقا، آسیا و اروپانینگ بویوک بولیمینی او پیتلرده اوزاق ییللر باشقرگن، قریب 1 مینگ 500 ییل ایاقده قالگن بو امپراتورلیکدن یادگار قالگن بیر سوزدن عبارت. هر یول روم گه باره دی دیب باشله یمیز.

روم امپراتورلیگیده یول قوریش جوده مهم بیر سیاسی و عسکری ستراتیژی دیر. امپراتورلیک نینگ کوچه یشی و باشقریلیشی اوچون کوچلی علاقه و عسکری سوقیات ترماقلری ایجاد ایتیش مقصدی بیلن امپراتورلر یول قوریش گه جوده کوپ اهمیت بیرماقده. باش گه کیلگن هر پادشاه امپراتورلیک نی کوچه یتیریش اوچون قورگن یول ترماغی، روم نینگ بو قدر اوزاق ییللر ایاقده قالیشی نینگ سببلریدن سنله دی. روملیکلر قورگن 200 مینگ کیلومترلیک یول ترماغی، رومدن باشلب انگلستان، غربی اروپانی بوتونله ی، شمالی اروپاده سویس گچه، شرقده اناطولینی اوز ایچیگه آلیب ایران گچه ییتیب باره دی. بو علاقه نینگ عسکری سفرلرنینگ و تجارت نینگ آسانراق بولیشی گه امکانیت بیریب دولت نی تاباره کوچه یشی گه هم سبب بولماقده.  

روم امپراتورلیگیده یوللر تاش بیلن قوریلماقده. بو یوللر عموماً کوچلی ایتیب قوریلماقده. روم یوللری نینگ اینیقسه یول چیکه سیده گی پیاده یوللری هم مشهور دیر. یوللر دواملی ترمیم ایتیلر ایکن روم امپراتورلیگیده یول ترمیمی اوچون خاص عسکری بولیم قوریلگندیر.

روم ده یوللر عسکری و تجاری قاله ویرسه امپراتورلیک نینگ ایریم منطقه لری و همجمعیتلری اورته سیده مدنی علاقه نی آسانلشتیرماقده. بو یوللر طفیلی روم امپراتورلیگی نینگ تورلی منطقه سیده گی انسانلر آره سیده بیلگی، فکر و تجارت ایشلری بولیب اوتماقده. عصرلب تینمه ی آلیب باریلگن بو یول قوریش سیاستی امپراتورلیک نینگ رواجلنیشی، باشقرووی و عسکری کوچی نینگ دوام ایتیشی اوچون حیاتی اهمیت گه ایگه دیر.

بو یول ترماغی طفیلی موجود یوللرنینگ برچه سی نینگ کیلیب کیلیب روم امپراتورلیگی نینگ پایتختی گه باغلنگن لیگی کوریله دی. بیراق هر یول روم گه باره دی سوزی باشقه بیر حقیقتدن کیلیب چیقماقده. ایلک مرته 1175 ییلی فرانسیز شاعر آلن دی لیل ایتگن بو سوز، میلادی 14 ییلیده اولگن امپراتور آوگوستوس گه تیگیشلی دیر. آوگوستوس روم نینگ و اوزی نینگ دنیانینگ مرکزیده ایکن لیگینی کورستیش اوچون پایتختده تیککن میلتاش نی برچه یوللرنینگ حسابی نینگ باشلنغیچی ایکن لیگینی اعلان قیله دی. قریب 300 ییل کیین تختگه اولتیرگن کونستانتین بو تاش گه اوخشه گن میلان تاشینی امپراتورلیک نینگ ینگی پایتختی استانبول ده تیکه دی، بو جاینی دنیانینگ پایتختی ایتیب اعلان قیله دی.