تورکیه گه خاص عسل حقیده بیر یازوو
برنامه
تورکیه گه خاص عسل حقیده بیر یازوو
آرداخان عسلی
تورکیه نینگ شرقی اناطولی منطقه سیده جایلشگن و 3 مینگ 200 بلندلیک که بارگن یوکسک تیپه لری بیلن اینگ مهم حیوانچیلیک مرکزلریدن بیری بولمیش آرداخان شهریده جوده یاقیملی بال (عسل) ایشلب چیقریلماقده. منطقه نینگ بای گل تورلریدن آذیقلنگن قفقاز عرقیدن زنبورلردن قولگه کیریتیلگن آرداخان گل بالی، آرداخان بال ییتیشتیرووچیلری نینگ مراجعه سی بیلن 2017 ییلی تورکیه نینگ ثبت قیلینگن جغرافی اثرلری قطاریگه کیریتیلگن دیر. شفاف، پارلاق بولگن قورغاقلیک ویا یاغینگرچیلیک موسوم نینگ وضعیتی گه کوره رنگی بولگن آرداخان گل بالی، زنبورلر هیچ بیر کیمیاوی نرسه بولمه گن، سوغاریلمه گن کینگ دشتلرده ییتیشگن مینگدن آرتیق توری بولگن گللردن آذیقنیب یوزه گه چیقرماقده دیر. آرداخان ده زنبوردارلر قفقاز عرقینی قوریقلش مقصدی بیلن شهرنینگ زراعت باشقرمه سی تامانیدن هردایم تیکشیروو آستیگه آلینگن وضعیتده. زنبور اویه لریده جون آییده باشله گن بال تولیدی جولای آیی نینگ سونگگیده تیپه گه چیقه دی و اگست آیی نینگ ایچیده ییغیب آلینه دی. تجربه لی زنبوردارلر باللرنی وقتیدن آلدین ییغیشتیرمه یدی. آقیتیب آلینگن و تیمیر تانکلرگه تولدیریلگن باللر دم آلیش اوچون قالدیریله دی. باللر دم آلگندن کیین صاف و پارلاق بیر شکل گه ایلنه دی و آرداخان بالی شیشه مرتبالرگه تولدیریله دی.
