چیقیندیلر و ینگی محصولات

بوگون, حاضرگی کونی میز بیلن بیر قطارده کیله جگی میز نی هم قیزیقتیریاتگن بیر موضوع حقیده گپیره میز. کینگ قمراولی بیر ساحه دن عبارت بولگن قیته ایشلش نینگ کیشی لرنی قیزقیقتیریاتگن دستلبکی باسقیچی, یعنی چیقیندی نی اجره تیش حقیده سوز یوریته میز. "همه ایشیگی نینگ آلدینی سوپیرسه بوتون محله تازه بوله دی" دیگن سوزده بولگن لیگی دیک کیچیک حرکت لرنینگ, کتته مسئله لرنینگ ییچیلیشیده قنچه لیک مهم ایکن لیگینی کورسه تیب بیرماقچی میز. 

ایسکیرگن یاکه کیفیتی نی قولدن بیرگن نرسه و چیقیندی لر نینگ توپله نیب قیته ایشله نیشی آرتیدن اوشبو مواد نینگ ینگی محصولات نینگ ایشلب چیقریلیشیده فایده له نیلیشی جریانی قیته ایشلش اوله راق بیلینماقده.  دنیا نفوسی نینگ آرتیب باریاتگن لیگی هر نرسه نینگ بویوک مقیاس لرده تولید ایتیلیشی نی ضروری قیلماقده.  لیکن تولید اوچون کیره کلی خام ماده و انرژی نینگ محدود و همده منبع لر نینگ آزه یگن سری ینه ده قیمت راق بولگن لیگی انیق.  اوشبو معما گه بیر ییچیم یولی اوله راق مطرح قیلینگن قیته ایشلش ایسه منبع لردن تیجمکارلیک بیلن استفاده ایتیب طبیعت گه امکان قدر آز ضرر ییتکزیش کبی هدف لر گه ایگه.  اوشبو جریان نینگ دستلبکی باسقیچی نی چیقیندی لرنینگ اجره تیلیشی تشکیل ایتماقده. 

هر کون اوی میزده تشقری گه تشله نه دیگن پلاستیک, شیشه و کاغذ چیقیندی لرنی اجره تمس لیگی میز تقدیرده کوپلب معما لر گه سبب بوله دیگن لیگی بیلینماقده.  اینیقسه کتته شهر لرده جوده هم کتته چیقیندی ساحه لرنینگ تشکیل ایتیلیشی نی اوشبو توغریده مهم بیر مثال قیلیب کورسه تیش ممکن.  ارگانیک و ارگانیک بولمه گن چیقندی لر اوزاق بیر مدت بیر آره ده بولیشی تقدیرده ضررلی گاز لرنینگ اطرافگه ساچیلیشی گه سبب بوله دی.  چیقیندی ساحه لری نینگ تارلشتیریلیشی اوچون ینگی دن استفاده ایتیله آله دیگن مواد نینگ فرقلی جای لرده توپله نیشی اهمیت کسب ایتماقده.  اوشبو ایش نینگ محلی اداره لر تامانیدن تنظیم قیلینیشی گه قره مسدن شهر یشاوچی لری اوله راق بیزنینگ هم خوددی شوو ساحه ده مسئولیت لری میز بار البته که. 

پلاستیک, شیشه و کاغذ محصولاتی نینگ ایشلب چیقریلیشیده استفاده ایتیله دیگن خام ماده لرنینگ قولگه کیریتیلیشی اوچون جوده یوقاری سویه ده انرژی گه احتیاج حس ایتیلماقده.  عینی دمده اوشبو محصولات نینگ اینگ سونگّی شکلی گه ایگه بولیشی اوچون هم ینه ده کوپراق انرژی مصرف ایتیله دی.  ایلغار تکنالوژی لر اوشبو خام ماده لردن محصولات قولگه کیریتیش بوییچه انرژی ضرورتی نی آزه یتیرماقده. اوی میزده گی چیقیندی لرنینگ همه سینی بیر پلاستیککه قوییش اورنی گه موادی گه کوره فرقلی پلاستیک لر گه جایلشتیریب چیقیندی گه تشلش اوشبو پروسه گه حصه قوشه دی.  ایندی کیلینگ محدود منبع لری میز نی اسره ب قالیش نی اوز اویی میزدن باشله یلیک.