قویاش انرژی سی و تورکیه

بوگون قویاش حقیده سوز یوریته میز. حاضرگی کونده بیرته گینه هیچ توگه مه یدیگن انرژی منبعی قویاشدن عبارت...

عینی دمده قویاش انرژی سی, استفاده ایتیلیشی قولای بولیب اطراف- محیط نی کیرلتمه یدیگن لیگی باعث اینگ یخشی ینگی له نه آله دیگن انرژی منبعی اوله راق قبول قیلینماقده. 

جهان مقیاسده ایسسیق لیک نینگ آرتیب کیتیشی بیلن بیرگه خلق ارا جامعه و تورکیه, فسیل منبع لرنینگ اطراف- محیط گه بیریاتگن ضرری دن اوزاقله شیش اوچون ینگی له نه آله دیگن انرژی منبع لری گه اوتیش نی تیزلشتیردی. 

اوشبو دایره ده قویاش انرژی سیدن فایده له نیش میزانی کونساین آرتیب بارماقده. 

قویاش انرژی سیدن برق تولیدی اوچون بیردن کوپ میتود نینگ موجود ایکن لیگی گه قره مسدن اوشبو ساحه ده قویاشدن کیلگن شعاع نینگ بیواسطه برققه ایلنتیریلگن فوتوولتائیک سیستم لر کوپینچه ترجیح ایتیلماقده. 

قویاش انرژی سیدن فایده له نیش توغریسیده گی ایشلر اینیقسه میلادی 1970- ییلدن کیین تیزله شیب کیترایکن, قویاش انرژی سی سیستم لری تکنالوژیک اوله راق رواجله نیب خوددی شوو تکنالوژی اوچون قیلینه دیگن مصرف لر هم انچه آزه یدی. 

خلق ارا انرژی آژانسی گه کوره, میلادی 2030- ییلدن آلدین قویاش انرژی سی بوییچه سرمایه گذارلیک لر پطرول و طبیعی گاز ساحه سیده گی توپلم سرمایه گذارلیک لردن کوپراق بوله دی...

اوشبو آژانس نینگ تخمین لری گه کوره, میلادی 2023- ییلده خلق ارا انرژی سکتوریده توپلم 2,8 تریلیون دالر سرمایه گذارلیک قیلیندی. خوددی شوو مقداردن 1,7 تریلیون دالری تازه انرژی تکنالوژی لر و 1,1 تریلیون دالری ایسه فسیل یاقیلغی ساحه سی گه اجره تیلدی. 

اوشبو سرمایه گذارلیک لرده قویاش انرژی سی نینگ 380 میلیارد دالرلیک بیر حصه گه ایگه ایکن لیگی اویلنماقده. 

خوب, تورکیه ده وضعیت قنده ی؟ دولت و خصوصی سکتور انرژی بوییچه سرمایه گذارلیک لرده قنده ی وضعیتده؟

تورکیه جغرافی موقعیتی جهتی دن مهم بیر قویاش انرژی سی ظرفیتی گه ایگه. 

تورکیه جمهوریتی انرژی وزیرلیگی تامانیدن تیارلنگن, "قویاش انرژی سی ظرفیتی اطلسی" گه کوره, تورکیه اورته چه ییللیق توپلم 2 مینگ 741 ساعت قویاشدن فایده له نه دی...

تورکیه نینگ قویاش انرژی سی ظرفیتی نینگ میلادی 2035- ییل گه قدر تقریباً 500 فایز گه آشیب 52,9 جیگاوات گه ییتیشیشی و قویاش انرژی سی نینگ اینگ مهم منبع بولیشی هدف قیلینماقده. 

تورکیه نینگ میلادی 2000- و 2020- ییل لری آره سیده ییللیق اورته چه 4,4 فایز گه آشگن برق تولیدی نینگ ایسه میلادی 2035- ییل گه قدر ییللیق اورته چه 3,5 فایز گه آشیب 510,5 تراوات ساعت گه کوتریلیشی کوتیلماقده. نهایی انرژی مصرفیده میلادی 2020- ییلده 21,8 فایز بولگن برق انرژی سی حصه سی نینگ میلادی 2035- ییلده 24,9 فایز گه ییته دیگن لیگی بیلدیریلماقده. 

تورکیه نینگ میلادی 2020- ییل نینگ سونگیده 95,9 جیگاوات بولگن برق کوچی نینگ میلادی 2035- ییلده 189,7 جیگاواتگه, توپلم کوچ ایچیده ینگی له نه آله دیگن انرژی منبع لری نینگ حصه سی نینگ ایسه میلادی 2020- ییلده گی 52 فایز دن 2035- ییلده 64,7 فایز گه ییته دیگن لیگی بیلدیریلماقده. 

خوددی شوو دور گه قدر استفاده ایتیله باشله نیشی ریجه لنگن 96,9 جیگاواتلیک ینگی برق ظرفیتی نینگ 74,3 فایزی نی ینگی له نه آله دیگن انرژی منبع لری تشکیل ایتماقده. 

ینگی له نه آله دیگن انرژی منبع لری آره سیده اینگ کوپ قویاش انرژی سی ظرفیتی نینگ آرتیریلیشی ریجه لنماقده. 

میلادی 2020- ییل نینگ سونگّیده 6,7 جیگاوات بولگن قویاش انرژی سی کوچی نینگ میلادی 2035- ییلده 52,9 جیگاوات گه کوتریلیب کیتیشی کوتیلماقده. 

اوشبو رقم, تورکیه نینگ میلادی 2022- ییل نینگ سونگّیده 9,32 جیگاوات بولگن قویاش انرژی سی کوچی نینگ 2035- ییلدن باشلب تقریباً 500 فایز گه آشیب کیتیشی معنی سی گه کیلماقده. 

قویاش انرژی سیده میلادی 2035- ییلده 52,9 جیگاوات ظرفیت گه ایگه بولیشی تقدیرده, قویاش انرژی سی تورکیه نینگ توپلم برق کوچیده اینگ یوقاری حصه گه ایگه بولگن بوله دی.