موتر هیده ش و موبایل دن فایده له نیش

بوگون اوزاق بیر اوتمیش گه ایگه بولمه گن موبایل حقیده بحث ایته میز.  موبایل تکنالوژی سی ایمس, بلکه اهمیت بیریلمه گن تقدیرده جوده یمان حادثه لرگه سبب بوله دیگن موتر هیده یاتگن پیتده موبایلدن فایده له نیش توغریسیده سوز یوریته میز. 

موتر هیده یاتگن پیتده موبایل دن فایده له نیش انسان عقلی نی چلغیته دیگن اینگ مهم فکتور لردن بیرینی تشکیل ایتماقده.  مییه میز دقت نی فرقلی ساحه لردن کیلگن هشدار لر گه قرشی حاضر بولیب توریش اوچون عادی وقت لردن کوپراق ایشله یدی بیز موتر هیده یاتگن پیتده.  هیداوچی اوشبو اثنا ده کلچ و بریک نی باسیش, آئینه لرنی کنترول قیلیش و آلدینی انیق کوزه تیش کبی کوپلب ایشلر لرنی بیر وقت نینگ اوزیده بجریش گه مجبور. بو ایشلر اوزلیگی دن بوله دیگن دیک کورینه دی. لیکن اصلی گه قره گنده اوندی ایمس.  خوددی شوو ایشلر نینگ همه سی مییه میز نینگ قولی میز, ایاغی میز و کوزی میز گه جهت بیریشی بیلن عملگه آشیریله دی.  مییه نینگ بو طریقه مشغول بولگن بیر پیتده باشقه بیر ایش بیلن بند بولیشی میز مییه میز گه آرتیقچه بیر ایش دیمک.  تخنیکی بیر جهاز سنگری مییه هم حددن تشقری ایشله گن پیتده توزیک ایشله مه ی قاله دی. 

"موتر هیده یاتگن پیتده ایکّی دقیقه گینه موبایل دن فایده له نیشیم مییه م نی نیمه اوچون چرچه ته دی؟" دیگن سئوال گه قیلینگن بعضی تدقیقات نینگ نتیجه لری بیلن جواب قیتره یلیک.  تدقیقاتچی لر, موبایل بیلن شغللنمه گن هیداوچی لر بیلن سالشتیریلگنده, موبایل نی قولی گه آلیب گپریاتگن کیشی لرنینگ بیر خطر نی درک ایتیب اونگه قرشی تدبیر آلیش توغریسیده کوپراق موفقیتسیز ایکن لیکلرینی کورسه تیب بیرگن.  مییه بیلن وجود نینگ دواملی روشده بیرلیکده ایش آلیب باریاتگن هیداوچیلیک جریانیده دوچ کیلیب قالیشی میز ممکن بولگن هر قنده ی بیر خطر گه قرشی کوپینچه حتی بیر نیچه ثانیه مابینیده اقدام قیلیشی میز حیاتی اهمیت گه ایگه.  مییه نینگ موبایل آرقه لی صحبت قیلیش بیلن بند بولیشی تیزده ییتیب کیلیشی کیره ک بولگن هشدار لرنینگ وجود گه کیچ کیلیشی گه سبب بوله دی.

ایشیتیش واسطه سی یاکه مایک دن فایده نیش تلفن آرقه لی سوزله شیش معماسی نی تولیق ییچه آلمه یدی.  تدقیقاتچی لر هیداوچی لرنینگ قوللرینی تلفن بیلن بند قیلمس لیگی تقدیرده هم قیلینگن صحبت لرنینگ اوزی نینگ دقت نینگ بوزیلیشی جهتی دن کتته اهمیت گه ایگه ایکن لیگینی معلوم قیلماقده.  اوشبو دایره ده کونده لیک صحبتلر ییگیرمه فایز, مییه دن کوپراق فایده له نیش کیره ک بولگن صحبتلر ایسه تقریباً 30 مقیاسیده انسان لرنینگ دقتی نینگ بوزیلیشی گه سبب بولماقده.  عینی دمده موتر هیده یاتگن پیتده موبایل دن فایده له نیش دنیا نینگ هر تمانیده ترافیک جرمی سنه لیب جزالنتیریلماقده.