تورکیه گه خاص بیر پیشلاق توغریسیده قیسقه معلومات

تورکیه نینگ ایچکی انادولو منطقه سیده جایلشگن یوزغات ولایتی اینیقسه طعام لری بیلن انچه مشهور.  آتی ایچی گه جایلشتیریله دیگن کوزه دن آلینگن "یوزغات کوزه پیشلاغی", یوزغات بلدیه سی نینگ طلبی گه بناً میلادی 2017- ییلده تورکیه نینگ ثبت قیلینگن جغرافی محصولاتی لیستی گه کیریتیلدی. اوشبو پیشلاق, یوزغات ولایتی نینگ چیککه حدود لریده گی طبیعی اوسیملیک لر و سوو منبع لریدن فایده لنگن قوی, ایچکی و سیگیر سوت لری قاریشتیریلیب تیارلنماقده.  خوددی شوو پیشلاق نینگ تیارله نیشیده عنعنوی میتود لردن فایده له نیلرایکن, اینیقسه سوزیش پروسه سی آرتیدن سوت ایسیتیلمه یدی.  اچیتیلگن سوت یخشی لب قاریشتیریلیشی آرتیدن, سوت نینگ موجود بولگن قزان, قلین لتته بیلن اوره له دی و لخته بولیش اوچون 5 ساعت کوتدیریله دی.  کیین خام پیشلاق نینگ سووی نینگ آقیب کیتیشی اوچون توربه لر گه تشله نیب یوقاری بیر جای گه آسیب قوییله دی.  شونده ی قیلیب توربه نینگ ایچیده گی سوو آقیب کیتگن بوله دی. اینگ سونگ قالگن سوو نینگ هم آقیب کیتیشی اوچون توربه لرنینگ اوستی گه تاش لر قوییلیب 24 ساعت کوتدیریله دی.  24 ساعت کیین اوستیده گی تاش لر آلینگن پیشلاق کتته ایدیش لرنینگ ایچی گه تشله نه دی و پیچاق بیلن کتته پارچه لر شکلیده کیسیلیب توزله نه دی.  خوددی شوو ایش نینگ بیر نیچه مراتبه تکرارله نیشی آرتیدن پیشلاق, هوا کیرمه یدیگن شکلده مخصوص کوزه لرنینگ ایچی گه جایلشتیریله دی.  کوزه تولگندن سونگ آغزی گه بیر مقدار توز تشله نیب ایچیده بوشلیق قالمه یدیگن بیر وضعیتده آغزی تازه بیر لتته بیلن باغله نه دی.  پیشلاق خوددی شونده ی 2 الی 3 کون کوتدیریلیشی آرتیدن تیسکری قیلینیب ینه 1 هفته کوتدیریله دی.  کیین کوزه نینگ آغزی قتتیق لای بیلن بیرکیتیله دی و تیسکری قیلینیب بوتونله ی قوم گه کومیلیب قوییله دی. شونده ی قیلیب پیشلاق فایده له نیش اوچون تیار وضعیت گه کیلتیریلگن بوله دی.