تورکیه ده بولیب اوتگن بیرینچی سیلاو

تورکیه ده بولیب اوتگن بیرینچی سیلاو

تورکیه ده بیرینچی سیلاونینگ 1909 – ییلی بولیب اوتگن لیگینی بیله سیزمی؟

تورکیه ده سیاسی حزبلرنینگ قتنشیشی بیلن بولیب اوتگن بیرینچی سیلاو عثمانلی امپراتورلیگی پیتیده 1908 – ییلی اعلان قیلینگن 2- مشروطیت نینگ آرتیدن اوتکزیلگندی. بو سیلاوده ایلک مرته ایککی حزب نینگ رقابتی بولگن دیر. مشروطیت طفیلی یوزه گه چیققن آزادلیک ایچیده گی خلق سیلاولرگه شوق – علاقه بیلن قتنشدی. اهالی سیلاو کونی دول چلیب اوینه گن و سیلاونی طنطنه لی ایتیب اوتکزگن دیر. او پیتلرده سیلاو نتیجه لری ایندیکی کبی بیر کونده اعلان قیلینمس ایدی، بیر نیچه آی کیین اعلان قیلینر ایدی.

عثمانلی دوریده سیلاو ایککی باسقیچلی بولیب اوترکن فقط ایرککلر سیلش و سیلنیش حقی ایگه ایدی.  اوشبو سیلاو سیستمی جمهوریت اعلان ایتیلیشی نینگ آرتیدن هم اوزاق مدت عملی قیلینگن دیر. جمهوریت اعلان قیلینیشی بیلن 1923 – ییلی 28 جون تاریخیده 2- دور ملت وکیللرینی تعیین قیلیش اوچون اوتکزیلگن سیلاو تورکیه ده گی ایلک عمومی سیلاودن عبارت دیر. خوددی شو ییل نینگ 29 اکتوبر تاریخیده جمهوریت اعلان ایتیلیشی بیلن مصطفی کمال آتاتورک ایلک جمهور باشلیغی ایتیب سیلنه دی.

ایلک سیاسی حزبلرنینگ تشکیل ایتیلیشی و سیلاولرنینگ اجرا ایتیلیشی ایریم اولکه لرگه کوره کیچ گه قالگن بولسه ده تورکیه جمهوریتیده خاتین – قیزلرگه سیلش و سیلنیش حقی بیریلگن پیش قدم اولکه لردن بیرته سی دیر. مصطفی کمال آتاتورک 1930 – ییلی خاتین – قیزلرنینگ هم محلی سیلاولرگه قتنشیشی گه فرصت یراتگن دیر. بیراق تورکیه ده گی خاتین – قیزلر اساسی قانونده بولیب اوتگن ینگیلیک بیلن 1934 – ییلی بو حقنی قولگه کیریتدی. شونده ی بولیب 1935 ییلیده گی عمومی سیلاوده کاندید بولگن 18 ته عیال ملت وکیل ایتیب سیلندی و مجلسده اورین آلیش گه موفق بولدی.