تورک آشپزلری

29

تورک آشپزلر

دنیا مقیاسیده اینگ موفق آشپزلر قطاریده تورکلرنینگ هم بار لیگینی بیله سیزمی؟

دنیا مقیاسیده اینگ یخشی 50 رستورانت قطاریده اورین آلگن و استانبولده جایلشگن میکلا سر آشپز مِحمِد گورس «ینگی اناطولی آشخانه سی» دیب اته گن منوسی بیلن علاقه تارتماقده. فینلندده توغیلگن و سویدن ده کتته بولگن سر آشپز مِحمِد گورس اوزاق ییللر امریکا قوشمه ایالتلریده ایشلب آشپزلیک تعلیمی آلگن و 1996 ییلیدن کیین استانبول اوقات مدنیتی گه ینگی بایلیکلر قوشیش گه باشله گن دیر.

تورک آشپزلر نه فقط تورکیه ده دنیا مقیاسیده تن آلینماقده لر. 10 یشر لیگیده عایله سی بیلن آلمان گه کوچیب کیتگن تونچ ایلی لیک علی گونکورمیش میشل نینگ یولدوزی ایلک تورک آشپز عنوانینی قولگه کیریتگن دیر. آته سی ایشچی اوله راق آلمانگه کوچیب بارگن علی گونکورمیش کیچیک یاشده علاقه تاپگن آشپزلیک تعلیمینی بیرینچیلیک بیلن اداغگه ییتکیزگندن کیین آلمان ده گی میشل نینگ یولدوزلی انچه رستورانتده ایشله گن دیر. تورک مدنیتی و آشخانه سی نینگ کوچه لذتینی جسورلیک بیلن لوکس آشخانه لرگه عملی قیلگن 27 یاشیده اورته ییر دینگیزی آشخانه سی تیزیمی بیلن اوزی رستوران قورگن خوددی شو آشپز بو جایده میشل نینگ یولدوزلی دستلبکی تورک استا عنوانینی قولگه کیریتگن دیر. 

آلمان ده توغیلیب کتته بولگن 35 یاشیده گی آشپز سرکان گوزلچوبان هم دنیا مقیاسیده میشل یولدوزی قولگه کیریتگن ایککینچی تورک آشپز دیر. دینگیزلی ولایتیدن بولگن آنه سی نینگ اوقات تعریفلریدن الهام آلیب آشپز بولگن گوزلچوبان رستورانتیده اوقاتلر بیلن بیر قطارده اجتماعی موضوعلرگه هم اهمیت بیرماقده. بو آشپزنینگ رستورانتیده ایشچیلرنینگ کوپراغینی فزیکی و ذهنی معیوبلر تشکیل بیرماقده.

آسیانینگ اینگ یخشی 50 رستورانتی قطاریده 36 – اورین نی آلگن بنگلدیش ده گی بیر رستورانتده هم بیر تورک آشپزبار. بولو منگن آشچیلیک مکتبینی بیتیرگن فاتح توزاک اوزاق شرق نینگ آشخانه اوقاتلری ایچی گه تورک تاریخیدن الهام آلیب ایجاد ایتگن تورک – اورته ییر دینگیزی منوسی کیریتگن دیر.

تورک آشخانه سی بای مدنیت و لذتی بیلن ساغلیکلی اوقاتلنگنلرنینگ علاقه سینی اوزیگه تارتیب آلماقده دیر.