آذربایجان نینگ لندن بویوک ایلچی لیگی گه هجوم اویوشتیریلدی

آذربایجان نینگ لندن بویوک ایلچی لیگی گه رادیکال دینی بیر گروپ تامانیدن هجوم اویوشتیریلگن لیگی بیلدیریلدی.

آذربایجان تشقی ایشلر وزیرلیگی تامانیدن بیریلگن بیاناتده، بیر گروپ نینگ لندنده جایلشگن بویوک ایلچیلیک بناسیگه کیریب واندالیسم حرکتی گه قول اورگن لیگی شونده ی بولیب بنانینگ بالکونی گه دینی بیراقلر آسگن لیگی و رادیکال شعارلر بیرگن لیگی معلوم قیلیندی.

بیاناتده محلی پولیس کوچلری نینگ مداخله سی نینگ آرتیدن خوددی شو کیشیلرنینگ قولگه آلینگن لیگی و بویوک ایلچیلیک ملازملریگه زیان ییتمه گن لیگی افاده ایتیلدی.

حادثه بیلن تیگیشلی محلی کوچلر تامانیدن تیرگاو باشله تیلگن لیگی شونده ی بولیب نتیجه حقیده معلومات بیریله جگی قید ایتیلدی.

مذکور بیاناتده وین کیلیشوویگه بناً دیپلوماتلر و دیپلوماتیک بنالرنینگ خوفسیزلیگی بیلن تیگیشلی آگاهلنتیروونینگ دیپلوماتیک یوللر آرقه لی انگلستان مقاملریگه ییتکیزیلگن لیگی بیلدیریلدی.

شونده ی بولیب تورکیه جمهوریتی تشقی ایشلر وزیری مولود چاووش اوغلی، آذربایجان تشقی ایشلر وزیری جیحون بیره موف گه خوددی شو هجوم باعث قیغوداشلیک بیلدیردی.

تشقی ایشلر وزیرلیگی تامانیدن بیریلگن یازمه بیاناتده، تشقی ایشلر وزیری مولود چاووش اوغلی نینگ آذربایجان نینگ لندن بویوک ایلچی لیگی گه اویوشتیریلگن هجوم باعث تشقی ایشلر وزیری جیحون بیره موف گه قیغوداشلیک بیلدیریب آذربایجان مقاملریگه تورلی همکارلیک کورستیش گه تیار ایکن لیکلرینی تاکییدله گن لیگی اورغولندی.