Karamning qanday foydali xususiyatlari bor?

Karam inson salomatligi uchun juda ham foydali mahsulotdir. Karam tarkibida deyarli barcha vitaminlar mavjud, hatto oshqozon uchun muhim bo‘lgan U vitamini, fitonsidlar, fermentlar hamda mineral moddalar mujassam.

1. Immunitetni mustahkamlaydi

C vitaminiga boy bo’lgan karam organizmni infektsiyalardan himoya qiladi va immunitetni mustahkamlaydi. 100 gramm karamda kundalik C vitaminiga bo’lgan ehtiyojning 40 foizini qabul qilsa bo’ladi.

2. Xolesterolni pasaytiradi

Karam ovqat hazm qilish tizimi tomonidan so'rilishi uchun xolesterin bilan raqobatlashadigan ikkita moddani o’z ichiga oladi. Yomon xolesterolni pasaytiradi.

3. Kataraktani oldini oladi.

Karam ko‘rish qobiliyatining susayishi va katarakta xavfini kamaytirish xususiyatiga ega bo‘lgan karotinoidlar — lyutein va zeaksantinning koni sanaladi. Kechasi ko‘rish qobiliyatining yomonlashishi A vitamin tanqisligi bilan bog‘liq bo‘ladi. Karamda esa organizmda A vitaminiga aylanadigan beta-karotin bisyor bo‘ladi.

4. Yallig'lanishga qarshi kurashadi.

Karam tarkibidagi antioksidantlar tufayli iste'mol qilinganda yallig'lanishga qarshi kurashadi. 

5. Suyak salomatligi himoya qiladi.

K vitamini tanqisligi bilan osteoporoz kabi suyak kasalliklari va qon aylanish holatining buzilishi kabi xavf paydo bo’lishi mumkin. K vitaminiga boy bo’lgan karamning bir bo’lagida tavsiya etilgan kunlik qiymatning 85% ini olish mumkin.

6. Saraton kasalligini oldini olishga yordam beradi

Bir qator tadqiqotlar shuni ko'rsatadiki, karam saratonning ayrim turlarini oldini olishga yordam beradi. Bu karamning antioksidant va yallig'lanishga qarshi xususiyatlariga bog'liq. Bundan tashqari, oltingugurtni o'z ichiga olganligi uchun tanangiz saratonga qarshi kurashuvchanligini oshiradi.

7. Karam barglari B vitaminlarini o’zida mujassam qiladi.

Karam - tarkibida B guruhi vitaminlari yuqori bo'lgan sabzavot hisoblanadi. B guruhiga kiruvchi vitaminlar ayniqsa asab tizimi uchun foydalidir. Shuningdek, u immunitetni mustahkamlovchi xususiyatlarga ega. 1 porsiya karam yoki uning salatini iste'mol qilsangiz, kundalik B vitamini ehtiyojining 10 foizini qabul qilishingiz mumkin.

8. Parhez uchun karam muhim ahamiyatga ega

Parhez mahsuloti hisoblangan karamning 100 grammida 24 kkal bo‘lgani sababli ham shifokorlar vazn tashlamoqchi bo‘lganlarga ushbu mahsulotni ratsionga kiritishni tavsiya qiladi. Ayniqsa, xom iste'mol qilinganda, kaloriyasi kamroq bo'ladi. U tolaga boy bo'lgani uchun sizni uzoq vaqt to'q tutadi. Karamdan ovqatni tayyorlayotganda uning tarkibidagi vitaminlarni, ayniqsa yog'da eriydigan K va A vitaminlarini o'ziga singdirish va oshqozondan tez chiqmasdan, oshqozonni uzoq vaqt to'q tutishi uchun oz miqdorda yog' qo'shishni unutmaslik kerak.

Erimaydigan tolalarga boy bo’lgan karam ovqat hazm qilish tizimingizni sog'lom saqlashga va ichak harakatini muntazam saqlashga yordam beradi.

9. Vujutda shishishni bartaraf etishga yordam beradi

Tarkibidagi tola va ba'zi moddalar bilan tanadan suvni olib tashlashga yordam beradigan bu sabzavot shu tariqa yaxshi qon aylanishini, shishning kamayishini, natriyni suv bilan birga tanadan olib tashlashni ta'minlaydi, shu bilan qon bosimini pasaytiradi. Oziq-ovqat yoki salat yuqori qon bosimi va shishgan odamlar tomonidan osongina iste'mol qilinishi mumkin. Qon bosimi yuqori bo’lgan bemorlar karamdan tayyorlangan salat va taomlarni iste’mol qilishi tavsiya etiladi.

10. Karam kaltsiyning koni hisoblanadi.

Karam kaltsiyning kuchli manbai hisoblanadi. 100 gramm karam bilan kunlik kaltsiy ehtiyojining 10 foizini to'ldirishingiz mumkin. Tish va suyak to'qimalarining mustahkamligini qo'llab-quvvatlaydigan bu sabzavot xom yoki pishirilgan bo'lsin, kaltsiy tarkibiga ta'sir qilmaydi.

11. Karam ich qotishni oldini oladi.

Tarkibidagi oltingugurt birikmalari karamning ovqat hazm qilish tizimida samarali ishlashiga yordam beradi.

12. Kuchli antioksidant

Karam antioksidant xususiyati yuqori bo'lgan sabzavot, u erkin radikallarga qarshi kurashadi va saraton kasalligidan himoya qiladi. Shuningdek, u immunosupressiv kasalliklar, jigar kasalliklari, diabet va semirish kabi kasalliklardan himoya qiladi.

13. Qandli diabetning oldini olishga yordam berishi mumkin

Yaqinda o'tkazilgan tadqiqot shuni ko'rsatadiki, karamga boy parhez 2-toifa diabet ehtimolini kamaytiradi.

14. Ortiqcha vazn bilan kurashishga yordam beradi

Karam xavfsiz va sog'lom vazn yo'qotishga yordam beradi. Uning tarkibidagi tolalar hazm bo'lmaydigan yoki so'rilmaydigan uglevoddir, shuning uchun u ovqatga katta hajm qo'shadi va oshqozoningizda joy egallaydi, bu esa so'rilgan uglevodlarni qabul qilmasdan tezroq va uzoqroq to'q his qilishingizga olib keladi.

Tuzlangan karamning foydalari

Tuzlangan karamda juda ko'p miqdorda A vitamini, K va U vitaminlari, shuningdek, B vitaminlari mavjud.
Bunday boy tarkibga ega bo'lganligi sababli, ushbu mahsulotni muntazam ravishda istemol qilish ichak va oshqozonning turli kasalliklari, jumladan, oshqozon yarasi yoki o'n ikki barmoqli ichak yarasini oldini oladi.
Dori sifatida, tuzlangan karam gastritning, ayniqsa surunkali, noxush alomatlarini yo'q qilish, shuningdek, ushbu kasallikni davolash uchun ishlatiladi.

Karamni tuzlashda albatta sirkadan foydalanish maqsadga muvofiq bo’ladi. Tayyor bo’lganda karamni yeyish va sharbatini ichish tavsiya etiladi.

DİQQAT: 

1. Karamni qonni suyultiruvchi vositalardan foydalanadigan odamlar ehtiyotkorlik bilan iste'mol qilishlari kerak.
2. Uning tarkibidagi ba'zi moddalar qalqonsimon bezlarning faoliyatini sekinlashtiradi. Shu sababli, qalqonsimon bezlari kam ishlaydigan odamlar tomonidan juda ko'p iste'mol qilinmasligi kerak. 
3. Haftada ikki marta iste’mol qilish kifoya.

Dr. Mehmet Uchar tomonidan tayyorlandi.