Erdo’g’an Abdulmajid Tebbunni saylovdagi g'alabasi bilan tabrikladi

Turkiya prezidenti Rajap Tayyip Erdo’g’an Abdulmajid Tebbunni Jazoirdagi prezidentlik saylovlarida erishgan muvaffaqiyati va yuqori ovoz bilan prezidentlikka qayta saylangani munosabati bilan tabrikladi.

Bu haqda prezident matbuot xizmati xabar berdi.

Xabarga ko’ra, Turkiya prezidenti Rajap Tayyip Erdo’g’an, Jazoir Prezidenti Abdulmajid Tebbun bilan telefon orqali muloqot qildi.

Erdo'g'an Tebbunni Jazoirdagi prezidentlik saylovlarida erishgan ustun muvaffaqiyati va yuqori ovoz bilan prezidentlikka qayta saylangani munosabati bilan tabrikladi.

Erdo'g'anning ta’kidlashicha, saylov natijalari Jazoir xalqining so'nggi 5 yil ichida qo'yilgan qadamlarni qo'llab-quvvatlaganining yorqin dalilidir.

Erdo’g’an shuningdek, Jazoirning barqarorligi va farovonligi yangi davrda yanada mustahkamlanishiga ishonch bildirdi. Qolaversa, Turkiya va Jazoir o'rtasidagi aloqalar ikki davlat o'rtasidagi qardoshlik rishtalariga yarashgan holda har sohada rivojlanishda davom etishiga umid bildirdi.

Erdo’g’an fursatdan foydalanib, Jazoir prezidenti Abdulmajid Tebbunni Turkiyaga taklif qildi.

Erdo'g'an Turkiyaning Birlashgan Millatlar Tashkiloti Xavfsizlik Kengashining vaqtinchalik a'zosi sifatida Jazoirning Falastin masalasiga qaratilgan sa'y-harakatlarini qadrlashini va qo'llab-quvvatlashini, Isroil zulmi ostidagi mazlum Falastin xalqiga qarshi hujumlarni to'xtatish uchun ikki davlatning sa'y-harakatlari tobora davom ettirilishini bildirdi.