Erdo’g’an Turkiyaga yangi tayinlangan elchilarni qabul qildi

Bugun, 29 avgust kuni xorijiy davlatlarning Turkiyaga yangi tayinlangan elchilari tomonidan ishonch yorliqlarini topshirish marosimi bo‘lib o‘tdi.

Turkiya prezidenti Rajap Tayyip Erdo’g’an xorijiy davlatlarning mamlakatga yangi tayinlangan favqulodda va muxtor elchilarining ishonch yorliqlarini qabul qildi.

Bu haqda Turkiya prezidenti Matbuot xizmati xabar berdi.

Xabarga ko'ra, Turkiya prezidenti Rajap Tayyip Erdo’g’an Anqaradagi Prezident saroyida Maldiv orollari elchisi Abdul Raheem Abdul Latheef, Daniya elchisi Ole Toft, Shveytsariya elchisi Guillaume Bertrand Scheurer, Gana elchisi Nicholas Peter Andoh, Germaniya elchisi Sibylle Katharina Sorg va Latviya elchisi Bahtijordan ishonch yorliqlarini qabul qilib oldi.

Qabul chog’ida Turkiya prezidenti Rajap Tayyip Erdo’g’an diplomatik vakolatxonalar rahbarlariga ularning Turkiya bilan do‘stlik rishtalari va ko‘p qirrali hamkorlikni mustahkamlash yo‘lidagi mas’uliyatli va sharafli faoliyatiga katta muvaffaqiyatlar va zafarlar tiladi.

Shuningdek, Turkiya Prezidenti yangi tayinlangan elchilar bilan qisqacha suhbatlar o‘tkazdi.

Diplomatlar samimiy qabul hamda samarali faoliyat olib borish maqsadida yaratilgan shart-sharoitlar uchun minnatdorlik bildirib, ikki tomonlama aloqalarni har tomonlama rivojlantirish uchun bor kuch-g‘ayratini safarbar qilishini qayd etdilar.

Elchilar Turkiyadagi Ishonch maktubini topshirish marosimidan so‘ng rasmiy ravishda o‘z vazifalarini bajarishga kirishdilar.