Fidan hamkasblari bilan G‘azodagi oxirgi vaziyatlarni muhokama qildi
Hakan Fidan Gretsiya Tashqi Ishlar vaziri George Gerapetritis, Iordaniya Tashqi Ishlar vaziri Ayman Safadiy va Saudiya Arabistoni Tashqi Ishlar vaziri Faysal bin Farhan bilan alohida – alohida telefon orqali muloqot qildi.
Tashqi Ishlar vaziri Hakan Fidan Gretsiya, Iordaniya va Saudiya Arabistoni Tashqi Ishlar vazirlari bilan G‘azodagi oxirgi vaziyatlarni muhokama qildi.
Vazirlik tomonidan mavzu haqida berilgan bayonotga ko‘ra Hakan Fidan Gretsiya Tashqi Ishlar vaziri George Gerapetritis, Iordaniya Tashqi Ishlar vaziri Ayman Safadiy va Saudiya Arabistoni Tashqi Ishlar vaziri Faysal bin Farhan bilan alohida – alohida telefon orqali muloqot qildi.
Ushbu muloqot chog‘ida G‘azoda zudlik o‘q uzishni to‘xtatish va butunlay tinchlik o‘rnatish uchun tashlanishi kerak bo‘lgan qadamlar muhokama qilingani bildirildi.
Eslatib o‘tamiz:
Hamasning Qurolli qanoti Izzaddin al - Qassam brigadalari Isroilning falastinliklar bilan ularning muqaddas qadriyatlari, xususan, Al - Aqso jome’ masjidiga qarshi uzluksiz ziyon yetkazishiga javoban 7 - oktabr haftaning shanba kuni ertalab keng ko‘lamli hujum uyushtirdi. Isroil armiyasi ham G‘azo sektoriga qarshi havodan kuchli bomba tashlay boshladi.
Isroil rasmiylari G‘azodan qilingan hujumlarda 1 ming 400 nafardan ortiq isroillik, jumladan 315 nafar askar halok bo‘lgani va 5 ming 132 nafar kishi tan jarohati olganini ma’lum qildi.
Isroil armiyasi matbuot xizmati kotibi Daniel Hagarining ta’kidlashicha, G‘azoda al - Qassam brigadalari qo‘lida 240 nafar isroillik mahbus bor.
Isroilning G‘azoga qarshi uyushtirgan hujumlarida falastinlik qariyb 9 ming nafar kishi halok bo‘ldi, 22 mingdan ortiq inson tan jarohati oldi.
