Turkiya prezidentligiga nomzodlarning yakuniy ro‘yxati e’lon qilindi
Turkiya Oliy saylov komissiyasi tomonidan tasdiqlangan 14 may kuni bo‘lib o‘tadigan prezidentlikka nomzodlarning yakuniy ro‘yxati bugun, 31 mart kuni hukumatning “Resmi Gazete”sida e’lon qilindi.
Turkiya Oliy saylov komissiyasi tomonidan tasdiqlangan 14 may kuni bo‘lib o‘tadigan prezidentlikka nomzodlarning yakuniy ro‘yxati bugun, 31 mart kuni hukumatning “Resmi Gazete”sida e’lon qilindi.
Shunday qilib, prezidentlik poygasida to‘rt nafar nomzod ishtirok etadi. Bular - amaldagi davlat rahbari Rajap Tayyip Erdo'g‘an, bosh muxolifatchi, Respublika xalq partiyasi raisi Kemal Kilichdaro‘g‘li, “Vatan” partiyasi rahbari Muharram Inje va “Otaturkchilar ittifoqi”dan ko‘rsatilgan nomzod Sinan Ogan.
Ro‘yxat e’lon qilingan kundan boshlab mamlakatda prezidentlikka nomzodlar uchun tashviqot davri rasman boshlanadi.
Birinchi turda g‘alaba qozonishi uchun davlat rahbari lavozimiga nomzod 50 foizdan ortiq ovoz to‘plashi kerak. Aks holda saylovning ikkinchi bosqichi o‘tkaziladi, unda birinchi turda eng ko‘p qo‘llab-quvvatlangan ikki nomzod ishtirok etadi.
Avvalgi prezidentlik saylovlari 2018 yil 24 iyun kuni bo‘lib o‘tgan edi. Erdog‘an 52,6 foiz to‘plab, g‘alaba qozongandi.
Turkiyada prezidentlik saylovlari bilan bir qatorda 14 may kuni parlament saylovlari ham bo‘lib o‘tadi.
Aloqador xabarlar
Prezident Rajap Tayyip Erdog’an 7 davlatning elchilarini qabul qildi
Prezident Erdog’an, elchilar bilan esdalik surati tushdi.Erdog’an keyinroq elchilarni qabul qildi.