Istiqlol ko‘chasidagi hujum ustidan tergov ishlari davom etmoqda
Istiqlol ko‘chasida 13-noyabr kuni 6 kishining umriga, 81 kishining sog‘ligiga zomin bo‘lgan hujum ustidan tergov ishlari davom etmoqda.
Beyog‘luda hujum uyushtirgan terrorist Ahlam Albashir, o‘z ifodasida, PKK/PYD terror tashkiloti tarkibiga qanday kirgani haqida aytib berdi.
Istanbulning Ovrupa tomonida joylashgan Beyo‘g‘lu tumanining Istiqlol ko‘chasida 13-noyabr kuni 6 kishining umriga, 81 kishining sog‘ligiga zomin bo‘lgan hujum ustidan tergov ishlari davom etmoqda.
Hujumni amalga oshirgan 23 yoshli Ahlam Albashir politsiya idorasida bergan bayonotida, PKK/KJK/PYD/YPG terror tashkiloti tarkibiga 2017-yili kirganini qayd etgan holda, ko‘p o‘tmay bedarak yo‘qolgan sevgilisi bilan uchrashmagani ammo tashkilot bilan aloqasini davom ettirganini bildirdi.
Shu bilan birga Ahlam Albashir va qochoqlikda gumon qilingan Bilal H birgalikda yashagan Esenlerdagi ustaxona egasi Ferhat H-ning ham terror tashkiloti bilan aloqasi borligi aniqlandi.
Ferhat H ijtimoiy tarmoqdagi hisobi orqali terror tashviqotini olib borgani va tashkilot buyrug‘i bilan Ahlam Albashir va Bilol H-ni o‘z uyida mehmon qilgani ma’lum bo‘ldi.