Erdo’g‘an xorijiy davlatlarning yangi elchilaridan ishonch yorlig'ini qabul qildi
Kecha, 1-sentyabr kuni xorijiy davlatlarning Turkiyaga yangi tayinlangan elchilari tomonidan ishonch yorliqlarini topshirish marosimi bo‘lib o‘tdi.
Kecha, 1-sentyabr kuni xorijiy davlatlarning Turkiyaga yangi tayinlangan elchilari tomonidan ishonch yorliqlarini topshirish marosimi bo‘lib o‘tdi.
Turkiya Respublikasi Prezidenti Rajap Tayyip Erdo’g‘an xorijiy davlatlarning mamlakatga yangi tayinlangan favqulodda va muxtor elchilarining ishonch yorliqlarini qabul qildi.
Bu haqda Turkiya prezidenti ma’muriyatining kommunikatsiyalar bo’yicha departamenti xabar berdi.
Xabarga ko'ra, Turkiya Respublikasi Prezidenti Rajap Tayyip Erdo’g‘an Filippin Respublikasi elchisi Maria Elena Palo Algabre, Boliviya Respublikasi elchisi Edgar Adolfo Sejas Vera va Tojikiston Respublikasi elchisi Ashrafjon Sheraliyevich Gulovdan ishonch yorliqlarini qabul qilib oldi.
Turkiya Respublikasi Prezidenti Rajap Tayyip Erdo’g‘an diplomatik vakolatxonalar rahbarlariga ularning Turkiya bilan do‘stlik rishtalari va ko‘p qirrali hamkorlikni mustahkamlash yo‘lidagi mas’uliyatli va sharafli faoliyatiga katta muvaffaqiyatlar va zafarlar tiladi.
Shuningdek, Turkiya Prezidenti yangi tayinlangan elchilar bilan qisqa suhbatlar o‘tkazdi.
Diplomatlar samimiy qabul hamda samarali faoliyat uchun yaratilgan sharoitlar uchun minnatdorlik bildirib, ikki tomonlama aloqalarni har tomonlama rivojlantirish uchun bor kuch-g‘ayratini safarbar qilishini qayd etdilar.
Aloqador xabarlar
Prezident Rajap Erdog’an Hamas Siyosiy Byurosi Rahbari Ismail Haniye bilan uchrashdi
Prezident Rajap Tayyip Erdog’an Hamas Siyosiy Byurosi Rahbari Ismail Haniye bilan uchrashdi.