Xayirsevar turk Afg’onistonda maktab qurdirdi

Xayirsevar turk shifokor Metin Kulunk Afg’onistonning Jevizjon viloyatida 1500 o’quvchiga mo’ljallangan 16 ta xonadan iborat maktab qurdirdi.

“Ushbu maktabni qurdirayotganda bir shartimiz bor edi. U ham bo’lsa bu maktabda bolalarga turkcha ta’lim berilishi edi. Maktabda dars beradigan o’qituvchilarning oyligini ham biz to’laymiz. Shu bilan afg’on bolalarning orzularini ro’yobga chiqarishga harakat qilamiz”,-deb aytgan xayirsevar shifokor Metin Kulunk.

Uning ta’kidlashicha, Turkiya bilan Afg’oniston o’rtasida “ma’naviy ko’prik” o’rnatish uchun ikki xalq bir-birining tilini bilishi kerak.

“Maktabda turkcha ta’lim oladigan o’quvchilar avvalo Turkiya, uning tarixi va ulug’ turk yetakchilari haqida ma’lumotga ega bo’ladilar”,-deb aytgan Metin Kulunk.

Qolaversa, maktab qoshida kompyuter xonalari va kutubxona ham tashkil etiladi. Maqsad maktabda sifatli ta’lim berish va afg’on-turk xalqlari o’rtasidagi aloqani mustahkamlashdir.