Turkiya prezidenti Erdo’g’an Jazoyir, Gambiya va Senegalga safarini bugun boshlaydi

Turkiya prezidenti Rajap Tayyip Erdo’g’an 26-28 yanvar kunlarini o’z ichiga oladigan Jazoyir, Gambiya va Senegalga safarini bugun boshlaydi.

Bu haqda Turkiya Respublikasi prezidenti huzuridagi Kommunikatsiya boshqarmasi ma’lum qildi.

Ma’lumotga ko’ra, Erdo’g’an ushbu davlatlarga tashrifini bugun 26 yanvar kuni Jazoyirdan boshlaydi.

Bo’lib o’tadigan uchrashuv va muzokaralarda o’zaro munosabatlar muhokama qilinadi, shuningdek mintaqaviy va xalqaro o’zgarishlar bo’yicha fikr almashiladi.

Prezident Erdo’g’anning Jazoyirga tashrifi mamlakat prezidenti Abdulmajid Tebbunning dekabrda prezident etib saylanishidan so’ng ushbu mamlakatga davlat rahbari sifatidagi birinchi rasmiy ziyorati bo’ladi.

Tashrif doirasida Turkiya prezidenti Rajap Tayyip Erdo’g’an bilan Jazoyir prezidenti Abdulmajid Tebbun o’rtasida qo’shma bayonot imzolanadi.

Hujjat asosida ikki davlat o’rtasida Oliy darajali hamkorlik kengashi tashkil etilishi kutilmoqda.

Rajap Tayyip Erdo’g’anning Gambiya Respublikasiga tashrifi o’zgacha ahamiyat kasb etadi, chunki prezident Erdo’g’an ushbu davlatga birinchi bor rasmiy ziyorat amalga oshirmoqda.

Erdo’g’an Gambiyaga tashrifini yakunlab Senegalga safar qiladi.

Tashrif chog’ida ikki davlat o’rtasidagi o’zaro munosabatlarning poydevorini mustahkamlash maqsadida bir qator shartnomalarning imzolanishi kutilmoqda.

Qolaversa, Jazoyir va Senegalda Turkiya bilan hamkorlikda biznes forumlari o’tkazilishi rejalangan.