Erdo‘g‘an: “Yurtimizni 2023-yilgi maqsadlariga yetkazmay turib, to‘xtash haromdir”.

Prezident Rajap Tayyip Erdo‘g‘an Turkiyani 2023 - yilgi maqsadlariga yetkazmay turib to‘xtash, ikkilanish va bir onni ham bekor o‘tkazish haromligini qayd etdi.

Prezident shuningdek Adolat va taraqqiyot partiyasi raisi Erdo‘g‘an, partiyasining navbatdagi (yettinchi) Kirshehir, Kirikkale, Yozgat, Sivas viloyat kongresslarida Prezidentlik kulliyasidan jonli efir orqali ishtirok etdi.

Unda yangi turdagi koronavirus (Covid - 19) pandemiyasi tufayli vaqtinchalik to‘xtatilgan kongresslarni takror boshlatganliklarini ta’kidlagan Erdo‘g‘an,

“Maqsadimiz fevral oyining oxirgi kunlarida biz rejalagan Izmir, Anqara va Istanbul kongresslari bilan birgalikda bu jarayonni tamomlashdir”. - dedi.

2023 - yili bo‘lib o‘tadigan parlament va prezidentlik saylovida takror g‘alabaga erishishlarini ifoda etgan Erdo‘g‘an,

“Yurtimizni (Turkiya Respublikasiga asos solinishining 100 - yilligi) 2023 - yilgi maqsadlariga yetkazmay turib to‘xtash, ikkilanish va bir onni ham bekorga sarflash haromdir”. - deya gapirdi.

“Bizni na terror tashkilotlarining tubanligi, na alamidan bizga hujum qilganlar o‘yini, na bizga qarshi tashkillashtirilgan tuzoqlar charchatadi”. - degan Erdo‘g‘an o‘z so‘zida,   

“Hammasining uddasidan chiqdik, chiqamiz”. - degan ifodalarga o‘rin berdi.