Turkiya prezidenti Rajap Tayyip Erdo’g’an Yaponiyada Donald Tramp bilan uchrashadi
Turkiya prezidenti Rajap Tayyip Erdo’g’an 28-29 iyun kunlari Yaponiyada bo’lib o’tadigan Katta yigirmatalik (G-20) sammitida Donald Tramp bilan S-400 zenit raketa majmualari va F-35 harbiy samolyotlari bo’yicha suhbatlashishini ma’lum qildi.
Turkiya prezidenti Rajap Tayyip Erdo’g’an 28-29 iyun kunlari Yaponiyada bo’lib o’tadigan Katta yigirmatalik (G-20) sammitida AQSh prezidenti Donald Tramp bilan S-400 zenit raketa majmualari va F-35 harbiy samolyotlari bo’yicha suhbatlashishini ma’lum qildi.
Prezident Erdo’g’an Istanbuldagi Vahdettin ko’shkida olib borilgan jonli ko’rsatuvda jurnalistlarning savollariga javob berdi.
Erdo’g’anning ta’kidlashicha, Turkiyaning Rossiyadan xarid qiladigan S-400 majmualari AQSh tomonidan muhokama qilinmoqda. Shu sababli AQSh F-35 harbiy samolyotini Turkiyaga bermasligini ma’lum qildi.
“Kelgusi hafta Katta yigirmatalik (G-20) sammitida bo’lamiz. Sammit doirasida janob Tramp bilan uchrashuvimiz bor. Shuningdek, Rossiya prezidenti Vladimir Putin bilan ham uchrashamiz. Bu masalani keng qamrovli muhokama qilamiz. Men u yerdan Xitoyga jo’nab ketaman”,-deb aytgan Turkiya prezidenti Rajap Tayyip Erdo’g’an.
Ma’lumotga ko’ra, prezident Erdo’g’anning Xitoyga tashrifi chog’ida Turkiya-Xitoy munosabatlari muhokama qilinadi.
Aloqador xabarlar
Hakan Fidan Niderlandiya bosh vaziri bilan uchrashdi
Turkiya tashqi ishlar vaziri Hakan Fidan Niderlandiyaga tashrif buyurdi.