BMT delegatsiyasi Qorabog'ga tashrif buyurmoqda

Birlashgan Millatlar Tashkiloti (BMT) delegatsiyasi tekshiruv o'tkazish uchun Ozarbayjonning Qorabog' mintaqasiga yo'l oldi.

Agdam-Xonkendi yo‘nalishi bo‘yicha mintaqaga yetib kelgan BMT delegatsiyasi Lachindagi chegara punkti va Xonkendi shahrini ko‘zdan kechirdi.

BMT missiyasining ushbu tashrifi salkam 30 yildan keyin mintaqaga ilk tashrifidir.

Ozarbayjon Tashqi ishlar vazirligi matbuot kotibi Ayhan Hajizade, Ozarbayjon armiyasi tomonidan o'tgan oy 24 soatlik aksilterror amaliyoti ortidan mintaqadagi vaziyatni ko'rish uchun BMTning tegishli muassasalaridan iborat delegatsiyani Ozarbayjonga taklif qilganliklarini ma'lum qildi.

Hajizade, delegatsiyaning Ozarbayjonning mintaqadagi gumanitar faoliyatlari, infratuzilma ishlari, noqonuniy arman kuchlarining qurolsizlanish jarayoni va mina xavfini joyida kuzatib borishini bildirdi.