O‘zbekiston Turkiyaga hamdardlik bildirib Turkiyadagi fuqarolarini aloqada bo‘lishga chaqirdi
Turkiyaning Kahramanmarash viloyatining Pazarjik tumanida 7.4 magnitudali yer silkinishi qayd etildi.
O‘zbekiston Turkiyaga hamdardlik bildirib, Turkiyadagi fuqarolarini zarur hollarda O‘zbekistonning Turkiyadagi diplomatik vakolatxonalari bilan aloqada bo‘lishga chaqirdi.
Bu haqida O‘zbekiston Respublikasi Tashqi ishlar vazirligi Matbuot xizmati ma’lumot bo‘lishdi.
Unda:
“Turkiyaning bir qancha hududlarida ko‘plab qurbonlar va katta vayronagarchiliklarga sabab bo‘lgan kuchli zilzila haqidagi xabarni chuqur qayg‘u bilan qabul qildik.
Halok bo‘lganlarning oila a’zolari va yaqinlariga hamdardlik bildiramiz, jarohatlanganlarning tezroq sog‘ayib ketishini tilaymiz.
2023-yil 6-fevral Toshkent vaqti bilan soat 11:00 holatiga koʻra, mamlakatimizning Turkiyadagi diplomatik vakolatxonalariga zilzila oqibatida halok bo‘lgan va jarohatlangan O‘zbekiston fuqarolari bo‘yicha ma’lumot kelib tushmadi.
Eslatib oʻtamiz, Oʻzbekiston fuqarolari zarur hollarda mamlakatimizning Anqaradagi Elchixonasi (tel.: +90-312-441-38-71, +90-312-441-17-46) va/yoki Istanbuldagi Bosh konsulxonasiga (tel.: +90-212-323-20-37, +90-212-323-20-39) murojaat qilishlari mumkin”. – deyildi.
