Turkiya- O‘zbekiston o‘rtasida uzumchilik bo‘yicha hamkorlik yo‘lga qo‘yildi

Turkiya Respublikasi bilan uzumchilik bo‘yicha hamkorlik yo‘lga qo‘yildi. Bu haqida O‘zbekiston Respublikasining Turkiyadagi elchixonasi o‘zining ijtimoiy tarmoq hisobida ma’lumot bo‘lishdi.

Ushbu ma’lumotga ko‘ra 18-may kuni O‘zbekiston hay’ati Turkiya Qishloq va o‘rmon xo‘jaligi vazirligi Izmir viloyati mudirligida muzokaralar o‘tkazgan.

Izmir viloyati Turkiyaning to‘rtinchi eng yirik qishloq xo‘jaligi mahsulotlari ishlab chiqaruvchisi bo‘lib, 2.8 milliard AQSh dollari miqdoridagi eksport ko‘rsatkichi bilan mamlakatda ikkinchi o‘rinni egallaydi. Roppa-rosa 380 mingga yaqin qishloq xo‘jaligi maydoniga ega ushbu hududda 20 ga yaqin uzum turlari yetishtiriladi.