O‘zbekiston – Turkiya: mehnat migratsiyasi masalalari muhokama qilindi

Kuni kecha O`zbekiston Respublikasi Bosh vaziri maslahatchisi Mehriddin Xayriddinov boshchiligidagi delegasiya Turkiyaga tashrif buyurdi.

Delegatsiya a`zolari Turkiya Respublikasi Tashqi ishlar vaziri o`rinbosari Sedat O`nal, Turkiya Respublikasi Buyuk Millat Majlisining Turkiya – O`zbekiston parlamentlararo do`stlik guruhi a`zolari hamda Turkiya Respublikasi Mehnat va ijtimoiy ta’minot vaziri Vedat Bilgin bilan uchrashib, muzokaralar olib bordi.

Unda O’zbekiston fuqarolarining huquq va erkinliklarini muhofaza qilish, O’zbekiston-Turkiya kun tartibidagi ikki tomonlama shartnomalarni ratifikasiya qilish bo’yicha masalalar yuzasidan fikr almashildi.

Shuningdek, delegasiya a`zolari Turkiya Oliy saylov kengashi rahbari Muharrem Akkaya bilan ham uchrashdi, Turkiyaning xorijdagi fuqarolari uchun ovoz berishni tashkil etish yo`nalishidagi tajribalari o`rganildi.

Bundan tashqari, O'zbekiston delegatsiyasi Aholini ish bilan ta’minlash markazi, Kasbiy malakani aniqlash markazi, Xalqaro mehnat migratsiyasi agentligi, Migratsiya Bosh mudirligi kabi tashkilotlar faoliyati bilan tanishib, hamkorlik masalalarini muhokama qildi.