Nursulton Nazarboyev 2018 yilni Qozog'istonda O'zbekiston yili deb e’lon qildi

“O'zbeklar bizga yaqin, birodarlarimiz, qo'shnilarimizdir. O'zbekiston Markaziy Osiyodagi ulkan mamlakat, bu o'lka bilan munosabatlar hamisha muhim va foydalidir",-dedi Qozog'iston prezidenti Nursulton Nazarboyev.

876188
Nursulton Nazarboyev 2018 yilni Qozog'istonda O'zbekiston yili deb e’lon qildi

Qozog'iston prezidenti Nursulton Nazarboyev 2018 yilni Qozog'istonda O'zbekiston yili deb e’lon qildi.

“O'zbeklar bizga yaqin, birodarlarimiz, qo'shnilarimizdir. O'zbekiston Markaziy Osiyodagi ulkan mamlakat, bu o'lka bilan munosabatlar hamisha muhim va foydalidir. Keyingi yil Qozog'istonda O'zbekiston yili va O'zbekistonda Qozog'iston yili bo'ladi”, — dedi Nazarboyev qozog'istonlik jurnalistlar bilan uchrashuvida.

Qozog'iston Respublikasi prezidenti ikki davlat o'rtasidagi hamkorlik tobora yaxshilanib borayotganini, tovar ayirboshlash hajmi bir yil ichida ikki barabarga oshganini qayd etdi.

“Biz O'zbekistonning yangi prezidenti Shavkat Mirziyoyev bilan bu ko'rsatkichni 5 milliard dollargacha yetkazishga kelishib oldik. Hozirda hamkorlikda avtomobil ishlab chiqarish bo'yicha kelishuv mavjud, Toshkent bilan temir yo'l va aviaqatnov yo'lga qo'yilgan. Mamlakatlarimiz o'rtasidagi aloqalar yaxshilanib bormoqda. Biz buni qo'llab-quvvatlaymiz”, -deya ilova qiladi Nazarboyev.

Bundan avvalroq O'zbekiston va Qozog'iston prezidentlari o'zaro telefon orqali muloqotda ikki tomonlama hamkorlikning bugungi holati va istiqbollarini muhokama qilishgandi.

Muloqotda o'zaro tovar ayirboshlash hajmidagi yuqori ko’rsatgich qayd etilgandi.

 



Aloqador xabarlar