Markaziy Osiyo, Fors ko`rfazi hamda Ummon dengizi portlari transport yo`lagi bitimi kuchga kirdi...

Markaziy Osiyo, Fors ko`rfazi hamda Ummon dengizi portlari transport yo`lagini yaratish bitimi kuchga kirdi.

2016 yilning 23 aprel kuni xalqaro transport va tranzit yo`lagini yaratish to`g`risidagi Ashxobod Bitimi kuchga kirdi.

Bu haqda O`zbekiston Tashqi ishlar vazirligi matbuot xizmati xabar berdi.

Bu bitim 2011 yilning 25 aprelida Eron Islom Republikasi, Ummon Sultonligi, Turkmaniston, Qatar va O`zbekiston Respublikasi Hukumatlari o`rtasida xalqaro transport va tranzit yo`lagini yaratish to`g`risidagi Bitim - Ashxobod Bitimi imzolangan edi. 2013 yilda Qatar davlati loyihadan chiqish xaqida qaror qilgan edi.

Eron Islom Republikasi, Ummon Sultonligi, Turkmaniston va O`zbekiston Respublikasi tashqi ishlar vazirlari 2014 yilning avgust oyida Maskat shahrida ushbu bitimning amalga oshirilishi bo`yicha Memorandum imzolangan bo'lsa, O`zbekiston Respublikasi Prezidenti Islom Karimov 15 oktyabrdagi qarori bilan ushbu memorandumni tasdiqladi.

Tomonlar o'rtasida kuchga kirgan mazkur hujjat Markaziy Osiyo mamlakatlari va Fors ko`rfazi hamda Ummon dengizi portlari o`rasidagi tovarlarni uzluksiz tashishga va tranzit uchun ishonchli transport yo`lagini yaratishga yo`naltirilgan.

Mazkur bitim transport xarajatlarini optimallashtirish maqsadida yuklarni tashish tezligini oshirishga, shuningdek rasmiy hujjatlar va tartib qoidalarni osonlashtirish va uyg`unlashtirishga imkon beradi.