Matbuot sharhlari 04.11.2024

Sabah gazetasi: “Hakan Fidan: Isroilga qurol sotish genotsidga sherik bo’lishdir” sarlavhasi bilan xabar berdi.

Xabarga ko’ra, Turkiya tashqi ishlar vaziri Hakan Fidan Jibutida bo'lib o'tgan Turkiya-Afrika hamkorligi uchinchi vazirlar konferentsiyasining mushtarak matbuot anjumanida nutq so'zladi. "Isroilga qurol sotish genotsidga sherik bo’lish bilan barobar ekanini har fursatda takrorlashimiz kerak",- dedi Hakan Fidan.

Vatan gazetasi: “Gretsiyaga qochishga uringan 2 nafar FETO a'zosi qo'lga olindi” sarlavhasi bilan xabar berdi.

Xabarga ko’ra, Turkiya Milliy Mudofaa vazirligi Turkiyadan Gretsiyaga noqonuniy yo'llar bilan o'tishga uringan 2 nafar FETO a'zosi qo'lga olinganini ma'lum qildi.

Star gazetasi: “Turkiyaning texnologiya eksportida rekord o'sish” sarlavhasi bilan xabar berdi.

Xabarga ko’ra, Turkiya Sanoat va texnologiya vaziri Mehmet Fatih Kajir Turkiyaning yuqori texnologiyali mahsulot eksporti 10 milliard dollarga yaqinlashganiga diqqat qaratdi. Vazir shuningdek, o‘rta va yuqori texnologiyali mahsulotlar eksporti 2022-yilda rekord o‘rnatib, 97,3 milliard dollarga yetganini, joriy yilning 9 oyida esa 73,4 milliard dollar darajasida bo‘lganini ma’lum qildi. Eksport hajmini yanada oshirish uchun turli dasturlar ishlab chiqilayotgani ma’lum qilindi.

Yeni shafak gazetasi: “Eksport bo'yicha oktyabr rekordi: 23,6 milliard dollar” sarlavhasi bilan xabar berdi.

Xabarga ko’ra, shu yilning oktyabr oyida eksport 3,6 foizga oshib, 23,6 milliard dollarga, import esa 0,1 foizga kamayib, 29,4 milliard dollarga yetdi. Tashqi savdo taqchilligi yillik hisobda 13 foizga kamayib, 5,7 milliard dollarni tashkil qildi.

"Respublikamiz tarixida eng yuqori oktyabr oyi eksportini amalga oshirdik. Shunday qilib, oxirgi 15 oyning 10 tasida rekordni yangiladik" dedi Turkiya savdo vaziri.

Xabar turk gazetasi: “46-Istanbul marafoni o’z nihoyasiga yetdi” sarlavhasi bilan xabar berdi.

Xabarga ko’ra, Turkiya Ish Bankasi homiyligida amalga oshirilgan 46-Istanbul Marafoni o’z nihoyasiga yetdi.

"Dunyodagi yagona qit'alararo marafon" unvoniga ega bo'lgan tadbir Jahon Atletika Assotsiatsiyasining "Oltin yorlig'i" toifasiga kiradi. Efiopiyalik sportchi Dejena Debela 46-Istanbul marafonida erkaklar toifasida 2.11.40 natija bilan g‘olib bo‘ldi. Ayollar toifasida bahraynlik sportchi Rut Jebet 2.24.45 natija bilan birinchi boʻldi.