Matbuot sharhlari 28.10.2024

Xabar turk gazetasi: “Turkiyadan terrorizmga qarshi kurashda qat’iylik” sarlavhasi bilan xabar berdi.

Xabarga ko’ra, Turkiya prezidenti bosh maslahatchisi Mehmet Uchum terrorizmga qarshi kurash haqida gapirdi. Uchum, “Yaqin Sharq geografiyasining kelajagi Turkiyaning milliy xavfsizligi va hududiy yaxlitligiga tahdid soladigan hech qanday jarayon, variant yoki tuzilmaga ochiq bo’la olmaydi. Turkiya bunga yo'l qo'ymaydi”, - dedi.

Vatan gazetasi: “O’mer Chelikdan TUSAShdagi voqealar bo’yicha bayonot” sarlavhasi bilan xabar berdi.

Xabarga ko’ra, Adolat va Taraqqiyot partiyasi voizi O’mer Chelik, Turk Aerokosmik Sanoati TUSASh kompaniyasi binosiga uyushtirilgan teraktdan maqsad Turkiyaning diqqatini mintaqaviy muammolardan chalg’itish ekanligini bildirdi. “Biz Turkiyada ichki pozitsiyamizni qanday kuchaytirishni, terakt va atrofimizdagi inqirozli hududlarga qarshi qanday kurashishni juda yaxshi bilamiz” dedi O’mer Chelik.

Star gazetasi: “Turkiy Davlatlar Tashkilotida hamkorlik tashabbusi” sarlavhasi bilan xabar berdi.

Xabarga ko’ra, Turkiy davlatlar tashkilotiga a’zo mamlakatlar o‘rtasida sanoat, fan va texnologiya sohalarida hamkorlikni oshirish maqsadida 12 ishchi guruh tashkil etildi. Turkiya Sanoat va texnologiya vaziri Mehmet Fatih Kajir, “Fan, texnologiya, innovatsiya va sanoat sohalarida aniq loyihalarni tezkorlik bilan amalga oshiramiz”,-dedi.

Yeni shafak gazetasi: “KAAN milliy jangovar samolyotlari uchun mahalliy kiberxavfsizlik qalqoni” sarlavhasi bilan xabar berdi.

Xabarga ko’ra, Turk mudofaa sanoatining yetakchi firmalaridan biri bo'lgan STM, kiber xavfsizlik sohasidagi faoliyati bilan ham diqqatni o’ziga jalb qilmoqda. Ushbu kompaniya milliy jangovar samolyoti “KAAN”ni mahalliy kiberxavfsizlik tizimi bilan jihozlaydi.

Sabah gazetasi: “Yeru-osmon oq va qizilga burkanadi” sarlavhasi bilan xabar berdi.

Xabarga ko’ra, Turkiyada 29-oktyabr Respublika kuni nishonlanadi. Turkiya respublikasining 101 yilligi munosabati bilan Edirnedan Kars viloyatigacha turlşi bayram tadbirlari o’tkaziladi. Bayram tadbirlari doirasida poytaxt Anqarada parad namoyish etiladi. Turk dengiz floti kemalari 29 ta portni ziyorat qiladi. Ayniqsa, Istanbuldagi “SOLOTURK” va “Turk Yulduzlari” akrobatika guruhining Izmirdagi parvozi katta qiziqish bilan kutilmoqda.