Matbuot sharhlari 18.09.2024
Bugungi turk matbuotida o'rin olgan bazi muhim yangiliklarning qisqacha to'plami.
Star gazetasi: Erdo‘g‘an BMT Bosh assambleyasiga shu bilan o‘n to‘rtinch marotaba xtob etadi. Prezident Rejep Tayyip Erdo‘g‘an 24 - sentabr haftaning seshanba kuni Birlashgan Millatlar Tashkiloti Bosh Assambleyasiga shu bilan o‘n to‘rtinchi marotaba xitob etadi. Unda so‘zlagan nutqida, Isroilning G‘azoga qarshi uyushtirgan va genotsid tusdagi hujumlari kun tatibining eng asosiy mavzulari sifatida o‘rin oladi. Prezident Erdo‘g‘an, xalqaro hamjamiyatni Isroil hujumlariga qarshi turishga chaqiradi.
Sabah gazetasi: Hakan Fidan kecha Jon Bassni qabul qildi. Turkiya Tashqi Ishlar vaziri Hakan Fidan kecha AQSh Davlat kotibining siyosiy masalalar bo‘yicha o‘rinbosari John Bass bilan uchrashdi.
Haber Türk gazetasi: Qizil va kul rang kategoriyada qidirilgan terrochilar ta’sirsiz holga keltirildi. Ichki Ishlar vaziri Ali Yerlikaya kecha bergan bayonotida, qidiruvdagi shaxslar ro‘yhatining qizil rang kategoriyasiga kiritilgan va Amed viloyatidan mas’ul ekani iddio etilgan «Hebun Piro Amed» degan kod nomi bilan faoliyat yuritgan Zirav Tash bilan kul rang kategoriyasiga kiritilgan va «Botan» kod nomi bilan faoliyat yuritgan Fehmi Bashkurtning ta’sirsiz holga keltirilganini ma’lum qildi.
Hürriyet gazetasi: TIME jurnali dunyoning eng yirik kompaniyalari ro‘yhatiga Turkiyadan to‘rtta(4) kompaniyani ilova etdi. Dunyoning eng nufuzli xabar va siyosat jurnallaridan biri bo‘lgan TIME tomonidan tayyorlangan «Dunyoning eng yaxshi kompaniyalari - 2024» ro‘yxatiga Turkiyadan to‘rtta (4) kompaniya kiritildi. Shu doirada, «Sabancı Holding» (Sabanji Holding) ro‘yhatga to‘rt yuz beshinchi (405) qatorda kirish orqali Turk konpaniyalari orasida birinchi o‘rinni egalladi. «Koç Holding» (Koch Holding) ro‘yhatning to‘rt yuz to‘qson to‘qqizinchi (499) qatoridan o‘rin olar ekan «Akbank» sakkiz yuz yigirmanchi (820), «Enka» esa sakkiz yuz sakson yettinchi (887) qatordan joy oldi.
Vatan gazetasi: Antaliya aeroportida yo‘lovchi soni bo‘yicha rekord qayd etildi. Bu yil turizmda rekord o‘rnatgan Antaliya, avgust oyi oxiri holatiga ko‘ra 11,7 million nafar chet ellik sayyohni qabul qildi. Bu orqali, Antaliya aeroportining jami 26 million 628 nafardan ortiq yo‘lovchiga xizmat qilgani ma’lum bo‘ldi.
