Matbuot sharhlari 30.07.2024

Vatan gazetasi: Turkiya Isroilga norozichilik bildirdi. Tashqi Ishlar vazirligi Isroil Tashqi Ishlar vaziri Yisrael Katzning Prezident Rejep Tayyip Erdo‘g‘anni nishonga olgan postiga keskin munosabat bildirdi. Vazirlik tomonidan mavzu haqida berilgan bayonotda, “Genotsidchi Gitlerning oxiri qanday bo‘lsa, genotsidchi Netanyaxuning oxiri ham xuddi shunday bo‘ladi. Genotsidchi fashistlar qanday qilib javobgarchilikka tortilgan bo‘lsa, falastinliklarni yo‘q qilishga uringanlar ham xuddi shunday javobgarchilikka tortiladilar”. – degan ifodalarga o‘rin berdi.

Star gazetasi: Iroq va Suriya shimolida PKKga yana zarba berildi. Iroq shimolidagi «Panja - kalit» amaliyoti olib borilgan hududda aniqlangan PKK terror tashkilotiga a’zo 3 nafar terrorchi bilan Suriya shimolida «Tinchlik bulog‘i» amaliyoti olib borilgan hududda aniqlangan PKK/YPG terror tashkilotiga a’zo 4 nafar terrorchi kecha ta’sirsiz holga keltirildi.

Sabah gazetasi: Togg avtomobilining 4x4 modeli ishlab chiqarilmoqchi. Sanoat va texnologiya vaziri Mehmet Fatih Kajir, Togg orqali orzusiga erishganliklariga e’tibor qaratib, kelasi oyda Togg avtomobilining 4x4 modeli ishlab chiqarilishini ma’lum qildi.

Hürriyet gazetasi: Turksportchilar Parij - 2024 yozgi Olimpiya o‘yinlarida ilk medalini qo‘lga kiritdi. Turksportchilar Parij - 2024 yozgi Olimpiya o‘yinlarida o‘qchilik sohasida xitoylik raqiblarini mag‘lub qilib, uchinchi o‘rinni oldi. Bu orqali bronza medalni qo‘lga kiritdi. 

Haber Türk gazetasi: Voleybol bo‘yicha turk ayollar terma jamoasi Parij – 2024 yozgi Olimpiya o‘yinlarini g‘alaba bilan boshladi. Parij – 2024 yozgi Olimpiya o‘yinlari doirasida voleybol bo‘yicha turk ayollar terma jamoasi ilk musobaqada Niderlandiya bilan kuch sinashdi. Natijada raqib jamoani 3 – 2 hisobiga mag‘lub qilgan turk ayollar terma jamoasi, Parij – 2024 yozgi Olimpiya o‘yinlarini g‘alaba bilan boshladi. Terma jamoa ikkinchi musobaqasini 1 – avgust, haftaning payshanba kuni Turkiya vaqti bilan soat 10:00 da Dominik Respublikasi bilan o‘ynaydi.