Matbuot sharhlari 07.11.2023

Xabar turk gazetasi: “Turkiya AQShni G'azoda o't ochishni to'xtatishga chaqirdi” sarlavhasi bilan xabar berdi.

Xabarga ko’ra, Turkiya tashqi ishlar vaziri Hakan Fidan Anqaraga tashrif buyurgan AQSh Davlat kotibi Entoni Blinken bilan uchrashdi. Vazir Hakan Fidan, Blinkenga Isroilning G'azodagi tinch aholini nishonga olishini oldini olish va zudlik bilan to'liq sulh e'lon qilinishi kerakligini ta'kidladi.

Vatan gazetasi: “Blinken Ankarada sovuq kutib olindi” sarlavhasi bilan xabar berdi.

Xabarga ko’ra, Anqarada AQSh davlat kotibi Entoni Blinken bilan 3 soatga yaqin davom etgan uchrashuvdan keyin Turkiya tashqi ishlar vaziri Hakan Fidan kameralar qarshisiga chiqmadi va matbuot anjumani uyushtirmadi. Tasvirlarda Blinken Fidanni quchoqlagisi keldi, lekin Hakan Fidan yaqinlashmadi.

Hurriyat gazetasi: “Jahon OAV: Turklar Blinkenning rejasini bilishardi” sarlavhasi bilan xabar berdi.

Xabarga ko’ra, Turkiya tashqi ishlar vaziri Hakan Fidanning AQSh davlat kotibi Entoni Blinken bilan Anqarada o’tkazgan uchrashuvi jahon matbuotida keng yoritildi. Qatarda faoliyat ko’rsatgan “Al-Jazira” nashri, "Blinkenning asosiy vazifasi Isroilga ko'proq vaqt sotib olish edi. Buni turklar biladi. Shuning uchun sovuqqonlik bilan qabul qilindi”, - deya izoh bildirdi. Britaniyaning “Guardian” gazetasi ham, "Blinken Turkiyada iliq kutib olinmadi" deb yozdi.

Yeni shafak gazetasi: “Fahrettin Altunning Isroil ommaviy axborot vositalariga munosabati” sarlavhasi bilan xabar berdi.

Xabarga ko’ra, Turkiya prezidenti devoni Axborot-kommunikatsiya boshqarmasi rahbari Fahriddin Altun, shaxsini va Prezident Rajap Tayyip Erdo'g'anni nishonga olgan Isroil matbuotiga qattiq munosabat bildirdi.

“Turkiyaning adolat va haqiqat tarafdori bo'lgan pozitsiyasi ba'zilarni bezovta qilayotganini ko'rib turibmiz. Ammo kim qarshilik ko’rsatmasin, G’azodagi qirg’inni tugatish uchun qo’limizdan kelganicha harakat qilamiz”, - dedi Fahriddin Altun.

Star gazetasi: “Eksportda rekord” sarlavhasi bilan xabar berdi.

Xabarga ko’ra, Turkiyaning oktyabr oyida eksporti o'tgan yilning shu oyiga nisbatan 7,4 foiz ortib, 22 milliard 900 million dollarga yetdi. Shunday qilib, Turkiya tarixidagi eng yuqori oktyabr oyiga doir eksport qiymatiga erishildi.