Mug'ladagi qazilmalarda Apollonga tegishli haykal boshi topildi

Mug'ladagi Fethiye qal'asida olib borilgan qazishmalar chog'ida Apollonga tegishli haykal boshi topildi.

Bu haqda Madaniyat va turizm vazirligi qoshidagi Madaniy meros va muzeylar bosh boshqarmasi ma'lum qildi. Qayd etilishicha, Fethiye tumanidagi Kesikkapi tumanida joylashgan qal'ada 3 yil avval boshlangan qazish ishlari davom etmoqda.

Mazkur qazilma ishlari Madaniyat va turizm vazirligi, Madaniy meros va muzeylar bosh boshqarmasi homiyligida, Mug'la hokimligi, tuman hokimligi, Fethiye shahar hokimligi va Fethiye muzeyi bilan hamkorlikda olib borilmoqda.

Professor Doktor Kadir Pektoshning ilmiy mas'uliyati ostida olib borilgan qazilma ishlarida qal'a devorlarida Apollonga tegishli deb taxmin qilingan haykal boshi topildi.

Tarixiy asar Fethiye muzeyida namoyish etiladi.