Amerikalik estrada yulduzi Teylor Sviftning Venadagi konserti bekor qilindi
"Rasmiylar Ernst Happel stadionida rejalashtirilgan teraktni tasdiqlaganligi sababli, barchaning xavfsizligi uchun bizda rejalashtirilgan uchta konsertni bekor qilishdan boshqa ilojimiz yo‘q”, deyiladi xabarda.
Amerikalik estrada yulduzi Teylor Sviftning Venada bo‘lib o‘tadigan uchta konserti ham bekor qilindi. Bu haqda kecha, 7 avgust kuni shou tashkilotchisi Barracuda Music xabar berdi.
"Rasmiylar Ernst Happel stadionida rejalashtirilgan teraktni tasdiqlaganligi sababli, barchaning xavfsizligi uchun bizda rejalashtirilgan uchta konsertni bekor qilishdan boshqa ilojimiz yo‘q”, deyiladi xabarda.
Avstriya jamoat xavfsizligi bo'limi rahbari Frants Ruf Vena va Quyi Avstriya federal yerining Ternits shahrida sodir etilgan teraktga tayyorgarlik ko‘rishda gumon qilingan ikki shaxs hibsga olingani haqida xabar bergan. Huquq-tartibot idoralari vakillarining so‘zlariga ko‘ra, qo‘lga olinganlar Vena va uning atrofidagi ommaviy tadbirlarda teraktlar uyushtirish bo‘yicha aniq rejalarga ega bo‘lgan.
Teylor Sviftning Venadagi uchta konsertidan birinchisi bugun, 8 avgust kuni bo‘lib o‘tishi kerak edi. Har bir tomosha uchun 60 mingga yaqin chipta sotilgan. Tashkilotchi chiptalar uchun pulni o‘n ish kuni ichida qaytarishga va’da berdi.
Aloqador xabarlar
Italiyalik bastakor Ludovico Einaudi Turkiyada konsert beradi
Konsert dasturi Istanbuldagi “Harbiye Jemil Topuzlu” nomli amfiteatrda bo’lib o’tadi.
