Eskishaharda Navro’z bayrami tantanalari…

Eskishaharda Navro’z bayrami tantanalari…

Xorijdagi turklar va qardosh jamiyatlar boshqarmasi Navro’z bayrami munosabati bilan Turkiyaning Eskishahar viloyatida bayram tadbirlarini o’tkazdi.

Tadbirda prezident o’rinbosari Fuat O’ktay, Xorijdagi turklar va qardosh jamiyatlar boshqarmasi rahbari Abdulloh Eren, Eskishahar okrugi deputati Nabi Avji, Anadoli Universiteti rektori professor Shafak Cho’makli, TRT bosh direktori Ibrohim Eren va boshqa turk dunyosi yetakchilari hamda talabalar ishtirok etdi.

Navro’z - turk dunyosining madaniy mushtarak merosi...

O’rta Osiyodan Bolqonlargacha bo’lgan bepoyon mintaqada keng nishonlangan Navro’z bayrami butun insoniyat uchun yaxshilik olib kelishiga tilakdosh bo’lgan prezident o’rinbosari Fuat O’ktay: “Navro’z ota yodigori Turkistondan kelib chiqqan qut-baraka va sevgi bayramidir. Navro’z - turk olamining madaniy mushtarak merosidir. Qanday baxt, mana bugun dunyoning turli mamlakatlaridan kelgan siz aziz yoshlar bilan birgalikda jamuljam bo’lib, Navro’z bayramini nishonlab turibmiz. O’zgachaliklarimizni boyligimiz deb bilib, hech kimni kamsitmasdan, yakkalamasdan qardoshlik ruhida birgalikda Navro’zni qalbimizda his qilib turibmiz. Ushbu bahor bayrami Navro’z dasturini tashkil qilgan va bizlarni birlashtirgan Anadoli Universitetiga va Xorijdagi turklar va qardosh jamiyatlar boshqarmasiga shaxsan o’z minnatdorligimni bildiraman”,-dedi.

Turkiya dunyoda Navro’z an'anasini davom ettirishga harakat qilmoqda.

Tadbirda ma’ruza qilgan Xorijdagi turklar va qardosh jamiyatlar boshqarmasi rahbari Abdulloh Eren esa, Turkiya rasmiy davlat chegaralaridan tashqari, bepoyon ko’ngil mintaqasiga ega ekanligini alohida ta’kidlab o’tdi. Xorijdagi turklar va qardosh jamiyatlar boshqarmasi butun dunyodagi qardosh xalqlar bilan takror samimiy va iliq munosabatlarni qayta tiklash yo’lida katta g’ayrat ko’rsatganligini ma’lum qilgan Abdulloh Eren: “Biz ulkan imperiyaning naslidanmiz. Qanchalik 784 ming km kvadratlik maydonga tarqalgan bir vatanimiz bo’lishiga qaramay, Usmoniy imperiyasining bir merosxo’ri bo’lishimiz munosabati bilan ko’plab qardoshlarimiz chegaralarimiz ortida yashamoqdalar. Butun dunyoda turkcha so’zlashgan jamiyatlar mavjud. Biz ushbu jamiyatlar bilan iliq va samimiy munosabatlarni davom ettirishdan mas’ulmiz”,-dedi.