Kun tahlili 80- qism
Amerika Qo'shma Shtatlardagi saylovlardan keyin Baydenning hokimiyatga kelishi bilan yanada ijobiy doirada rivojlanishi kutilgan AQSh-Eron munosabatlarining vaziyati
Amerika Qo'shma Shtatlardagi saylovlardan keyin Baydenning hokimiyatga kelishi bilan yanada ijobiy doirada rivojlanishi kutilgan AQSh-Eron munosabatlari, xususan, Iroq-Suriya yo'nalishida, yadroviy muzokaralar to'xtab qolishi bilan to'qnashuvlarga aylana boshladi. Eron vakillari AQSh harbiy bazalarini nishonga olar ekan , AQSh to'g'ridan-to'g'ri Eronga bog'liq kuchlarni bombardimon qilmoqda. Ikki mamlakat o'rtasidagi to’qnashuv jarayoni Suriyani ham o’z ichiga olib kuchayishi mumkin.
SETA / Tashqi siyosat tadqiqotchisi Jan AJUNning ushbu mavzu bo'yicha fikr mulohazasini taqdim etamiz ...
Tramp davrida AQShning Eronga nisbatan siyosati asta-sekin shiddatlanar ekan, oxir-oqibat Eronga qarshi "maksimal bosim" sifatida ifodalangan narsaga aylandi.
AQSh yadroviy kelishuvdan chiqib, Eronga qarshi iqtisodiy sanksiyalar va embargolarni boshlaganida, bu davlatga biron bir tarzda neft eksport qilishiga ruxsat berilmadi.
Shunga qaramay, Eronga qarshi bo’lgan unsurlar Iroq-Suriya-Yaman yo'nalishida qo'llab-quvvatlanar ekan, Eron Isroil va Fors ko'rfazi mamlakatlari bilan tuzilgan koalitsiya tomonidan ham bosim borgan sari qo'llab-quvvatlandi.
Quds kuchlari qo'mondoni Qassem Sulaymonining o'ldirilishi va Eronning harbiy jangchilari bilan ikki mamlakat to'g'ridan-to'g'ri urush arafasiga kelib qoldi. Biroq Bayden AQSh prezidenti etib saylanishi bilan birgalikta Eronga qarshi koalitsiya parchalanar ekan AQShning Eronga nisbatan siyosati ham yumshashga boshlandi. Bayden Eron bilan yadroviy muzokaralarni qaytadan boshladi va ikki davlat o'rtasida nisbatan ijobiy kayfiyat paydo bo'ldi. AQShning Yamandagi urushni qo'llab-quvvatlashni bekor qilishi ham bu holatni kuchaytirdi.
Biroq, tomonlarning murosasiz munosabati va yadroviy muzokaralarning bloklanishi bilan ikki mamlakat o'rtasidagi ziddiyatlar kuchaya boshladi.
Isroil va Fors ko'rfazining AQSh nazaridagi lobbichilik faoliyati ham ushbu munosabatlarga ta'sir ko'rsatdi, deb baholash mumkin. Oxir oqibat, tomonlar, ayniqsa Iroqda katta hokimiyat uchun kurash olib borar ekan, Eron ta'sirida harakat qilgan shia militsiya unsurlari (Hashd ash-Shaabi) AQSh bazalari va logistika konvoylarini nishonga ola boshladilar.
AQSh joylashgan Erbil aviabazasi va Ayn al-Assad harbiy bazasi kabi joylar tez-tez raketalar va bomba yuklangan uchuvchisiz samolyotlar bilan nishonga olingan. AQShning mintaqadagi harbiy kuchi esa shia jangarilariga qarshi havo bombardimonlari bilan javob qaytarishga harakat qildi. Ikki mamlakat va ularning ishonchli vakillari o'rtasidagi bu past intensiv ziddiyatlar kutilganidek Suriyaga tarqaldi. Eron qurolli kuchlari Dayr Ezzor sharqidagi El-Omar neft qudug'i hududidagi AQSh bazasiga uchuvchisiz samolyot bilan hujum qildi. Boshqa tomondan, AQSh Ebu Kamol mintaqasidagi shialar qurolli kuchlarining qarorgohlarini bombardimon qildi.
Endi haqiqiy savol shu tomonlar o'zaro ushbu nizolarni avj oldirishni afzal ko'rishadimi degan savolda. Ikkala tomon ham yadro muzokaralarida qo'llarini kuchaytirish uchun choralar ko'rayotgan bo'lsa-da, o'zlarining harbiy kuchlarini ham namoyish qilishdan tortinmaydilar.Iroq va Suriya kabi mamlakatlar buning badalini to'lamoqda. Amerika Qo'shma Shtatlar Yaqin Sharqdan harbiy jihatdan asta-sekin chiqib ketadigan davrni Eron jasorat beruvchi deb hisoblashi mumkin. Biroq, Isroil va Fors ko'rfazi davlatlarining ham muvozanatlashtiruvchi rolini unutmaslik kerak
SETA / Tashqi siyosat tadqiqotchisi Jan AJUNning ushbu mavzudagi fikr va mulohazalarini e’tiboringizga havola qildik.