Isroil hujumlari yana 6 kishi umriga zomin boʻldi

Isroil armiyasi tomonidna Gʻazo sektorining markaziy va janubiy qismlariga qarshi uyushtirilgan hujumlarda falastinlik yana 6 kishi halok boʻldi.

Falastinning WAFA axborot agentligi xabariga ko‘ra, Isroil, G‘azo janubidagi Rafoh shahrining Mevasi hududidagi bir uyni bombaladi.

Hujum oqibatida falastinlik 5 kishi halok boʻldi.

Isroil armiyasi Gʻazoning markaziy qismlarida joylashgan Nusayrat qochqinlar lageridagi bir uyni nishonga olishi natijasida falastinlik 1 kishi halok boʻldi, koʻpchilik esa tan jarohati oldi.

Guvohlardan olingan ma’lumotlarga koʻra, Isroil askarlari al – Halil janubidagi az - Zahiriyya shahriga bosqin uyushtirdi.

Falastin Qizil Yarim oy jamiyati tomonidan mavzu haqida yozma ravishda berilgan bayonotga koʻra, bosqin chogʻida yuzaga kelgan toʻqnashuvda Isroil askarlari tomonidan oʻq uzilgan va oqibatida 2 kishi tan jarohati olgan.