Xitoy va Filippinga oid ikkita kema to‘qnashib ketdi

Janubiy Xitoy dengizida, ikki davlat o‘rtasidagi bahsli hududda Filippin ta’minot kemasi bilan Xitoy kemasi to‘qnashib ketdi.

Xitoy Sohil xavfsizlik xizmati tomonidan mavzu haqida berilgan bayonotda, Filippin ta’minot kemasining Ikkinchi Tomas Shoal yaqinidagi suvlarga noqonuniy ravishda kirgani va Xitoy kemalariga xavfli darajada yaqinlashish orqali to‘qnashuvga yo‘l ochgani bildirildi.

Unda shuningdek, Filippin kemasining Xitoy tomonining ogohlantirishlariga e’tibor bermaganiga e’tibor qaratildi. To‘qnashuv yuzasidan har ikki tomonga ham biron bir ziyon yetib - yetmagani yoki voqea oqibatida kimlarningdir tan jarohati olib – olmagani haqida esa hech qanday ma’lumot berilmadi.