Gambiyada Islom hamkorlik tashkiloti sammiti bo'lib o'tadi

Islom hamkorlik tashkilotiga aʼzo davlatlar tomonidan har 3 yilda bir marta tashkil etiladigan sammit joriy yilning 4-5 may kunlari Gambiyada boʻlib oʻtadi.

IHT tashkil topganidan buyon turli aʼzo davlatlar tomonidan 14 marta sammit tashkil etilgan.

 4-5 may kunlari bo'lib o'tadigan 15-sammitga Gambiya mezbonlik qiladi.

Sammit mamlakat poytaxti Banjulda bo'lib o'tadi.

Sammit “Barqaror rivojlanish yoʻlida muloqot orqali birlik va hamjihatlikni mustahkamlash” mavzusida oʻtkaziladi.

Sammitda Islom olami oldida turgan dolzarb muammolar, nizomda belgilangan umumiy maqsadlarga erishish uchun aʼzo davlatlar oʻrtasida hamkorlik va hamjihatlikni oshirish, kichik va oʻrta korxonalarni jonlantirish kabi masalalar muhokama qilinadi.