AQSh taranglikning kuchayishi Eron, mintaqa yoki dunyo manfaatiga mos emasligini ta'kidladi

Amerika Qo'shma Shtatlari (AQSh) taranglikning kuchayishi Eron, mintaqa yoki dunyo manfaatiga mos emasligini ta'kidladi.

AQSh Davlat departamenti matbuot kotibi Metyu Miller, kundalik matbuot anjumanida, Yaqin Sharqda keskinlikning kuchayishi xavfidan xavotirda ekanliklarini bildirdi.

Uning so‘zlariga ko‘ra, Eronning Isroilga qarshi tahdidlari ayniqsa tashvishlidir dedi.

Miller, AQSh bu tahdidlar oldida Isroilni to'liq qo'llab-quvvatlashini bildirdi.

AQSh Davlat kotibi Antoni Blinkenning bu mavzuda diplomatiya olib borayotganini va tashqi ishlar vaziri Hakan Fidan bilan birga Xitoy va Saudiya hamkasblari bilan uchrashganini ifoda etgan Miller, Yevropa ittifoqchilari bilan ham aloqada ekanligini qayd etdi.

Miller, Blinkenning Eronga aniq bir xabar berilishini istaganini ifoda etib, “Tanglikni oshirish Eron, mintaqa va dunyo manfaatiga mos emas” dedi.

Isroil 1 aprel kuni Eronning Damashqdagi elchixonasidagi konsullik binosiga havodan hujum uyushtirgan edi.  Hujumda Eron Inqilobiy Gvardiya armiyasidan 7 kishi, jumladan 2 general halok bo'lgan edi. Hujum oqibatida 6 nafar Suriya fuqarosi ham hayotdan ko'z yumgan edi.