Kubada xalq 5 yilga Milliy Majlis a'zolarini saylash uchun saylov uchastkalariga borishdi

Karib dengizidagi Kuba davlatida xalq 5 yilga Milliy Majlis a'zolarini saylash uchun saylov uchastkalariga bordi.

Aholisi 12 millionga yaqinlashgan Kubada 8 milliondan ortiq saylovchi mamlakatda o'rnatilgan 23 648 ta saylov qutisida ovoz berdi.

Milliy Saylov Kengashi (CEN) tomonidan qilingan bayonotda, natijalar tizimga o'tkazilgandan so'ng jamoatchilik bilan baham ko'rilishi e'lon qilindi.

CEN prezidenti Alina Balseiro saylovning shaffof va ishonchli tarzda yakunlanganini ma’lum qilib, saylovchilarning 70,34 foiz ishtirok etganini qayd etdi.

Muxolifat saylovlar ishonchli  bo’lmagani  uchun jamoatchilikdan betaraflikni so'ragan, hukmron partiya esa barchani ovoz berishga chaqirgan edi.

Deputatlikka nomzodlarning yarmi shahar kengashlari tomonidan, qolgan yarmi esa kasaba uyushmalari va talabalar uyushmalari kabi saylov kengashlari tomonidan aniqlangan edi.

Nomzodlar Milliy Assambleyadagi o‘rinlarni qo‘lga kiritish uchun o‘z  hududlarida 50 foizdan ko‘proq ovoz olishlari kerak. Agar nomzod yetarlicha ovoz ololmasa, Assambleya tegishli hudud uchun tayinlashlar yoki munitsipal komissiyalarga ruxsat berishi mumkin.

Parlamentdagi 470 o‘rin uchun 470 nafar nomzod kurashmoqda, biroq bu poygada muxolifatdan nomzodlar yo‘q. Ko'p partiyaviy siyosiy tizimlardan farqli o'laroq, Kubada Qonunchilik organiga kirish uchun nomzodlarning aksariyati Kuba Kommunistik partiyasi  a'zosi sifatida o'tadi.

Fidel va Raul Kastrodan keyin lavozimga kelgan birinchi prezident Migel Dias-Kanel yana besh yillik muddatga saylanishi kutilmoqda. Dias-Kanel ham parlamentga nomzod edi.