NATO yetakchiligidagi "Dynamic Manta-2023" mashqlari boshlandi
Sitsiliya orolining sharqiy qirg'oqlarida o'tkazilayotgan mashg'ulotlarga 9 davlatdan ko’plab harbiy kemalar, suv osti kemalari, harbiy samolyotlar va ko'p sonli harbiy xodimlar ishtirok etmoqda. Ular orasida Turkiya ham bor.
NATO yetakchiligidagi “Dynamic Manta-2023” suv osti harbiy mashg’ulotlari Italiyada o’z ishini boshladi.
NATO tomonidan suv osti kemalariga qarshi mudofaa va yer usti urushiga qaratilgan havo, yer usti va suv osti elementlari o'rtasidagi hamkorlikni yaxshilash maqsadida tashkil etilgan "Dynamic Manta-2023" mashqlari boshlandi.
Bu haqda NATO dengiz qo’mondonligi bayonot berdi.
Bayonotga ko’ra, Sitsiliya orolining sharqiy qirg'oqlarida o'tkazilayotgan mashg'ulotlarga 9 davlatdan ko’plab harbiy kemalar, suv osti kemalari, harbiy samolyotlar va ko'p sonli harbiy xodimlar ishtirok etmoqda. Ular orasida Turkiya ham bor.
Ta'kidlanishicha, harbiy mashg’ulotlarni o'tkazishdan maqsad barcha ishtirokchilarning suv osti kemalariga qarshi va yer usti urushi ko'nikmalari bo'yicha o'zaro muvofiqligi va malakasini oshirish uchun murakkab jangovar tayyorgarlikdan o'tishdir.
Italiyaning Katanya va Augusta portlari hamda Sigonella havo harbiy bazasi mezbonligida o’tkazilayotgan mashg’ulotlarda Turkiyaning Preveze sinfidagi suv osti kemalaridan biri TCG Preveze (S 353), shuningdek Italiya, Gretsiya va AQShning suv osti kemalari ham ishtirok etmoqda.
Bundan tashqari, NATO doimiy dengiz guruhi-2 tarkibida xizmat qilgan Turkiyaning TCG Barbaros (F 244) fregati bilan birga Kanada, Gretsiya, Italiya, Ispaniya va Amerika Qo'shma Shtatlari yer usti kemalari qatnashayotgani ma'lum qilindi.
Qolaversa, Kanada, Fransiya, Germaniya, Britaniya, AQSh va Italiyadan dengiz xavfsizlik samolyotlari ishtirok etmoqda.
Sitsiliya orolining sharqiy qirg'og'ida va O'rta yer dengizining markaziy qismida o'tkazilayotgan mashg'ulotlar 10 martga qadar davom etadi.
