Ukraina rus kuchlarining hujumlari haqida ma'lumot bo‘lishdi

Ukrainada Rossiya kuchlari tomonidan oxirgi 24 soatda 61 ta hujum uyushtirilgani ma’lum qilindi.

Ukraina Bosh shtab boshqarmasi tomonidan mavzu haqida berilgan bayonotda, Rossiyaning Kupyansk, Liman, Bahmut, Avdiyivka va Novopavlovsk yo‘nalishlarida amaliyotlar boshlatish arafasida ekaniga e’tibor qaratildi.

Rossiya armiyasining Xarkovning fuqarolik infratuzilmalariga oxirgi 24 soat ichida bir nechta raketa tizimlari bilan 61 ta hujum uyushtirgani ifoda etilgan bayonotda, hujumlarga javob berilgani va natijada Rossiya nazoratidagi Gorlovka shahridagi shifoxonalar, tan jarohati olgan rus askarlari bilan to‘lgani iddio etildi.

Xarkov meri Igor Terehov, Rossiya kuchlari shahar markaziga S-300 raketalari orqali zarba bergani va 2 ta raketaning ko‘p qavatli uyga kelib tushganini bildirdi.

Terehovning aytishicha, 2 ta raketa kelib tushgan ko‘p qavatli uyda yong‘in sodir bo‘lgan va unda qutqaruv faoliyatlari davom etmoqda.

Xarkov viloyati Qutqaruv boshqarmasi boshlig‘i Yevgeniy Vasilenko ham raketalardan birining universitet binosiga tushganini ma’lum qildi.