BMT Ukraina fuqarolari uchun 20 million dollar shoshilinch yordam koʻrsatmoqchi

Birlashgan Millatlar Tashkiloti (BMT) Bosh kotibi Antoniu Guterrish Rossiya hujumiga uchragan Ukraina fuqarolari uchun 20 million dollar shoshilinch yordam koʻrsatilishini maʼlum qildi.

Guterres, BMTning Nyu-Yorkdagi qarorgohida matbuot vakillariga Ukrainaga moliyaviy yordam berishlarini bildirdi.

"Men shoshilinch ehtiyojlarni qondirish uchun Markaziy javob fondidan zudlik bilan 20 million dollar ajratishimizni e'lon qilaman." dedi.

“Biz Rossiyaning Ukraina suveren hududidagi harbiy amaliyotlarini Yevropa o‘nlab yillar davomida kuzatmagan miqyosda ko‘ryapmiz”. Guterresh tinch aholini himoya qilish va inson huquqlari xalqaro qonunchiligini himoya qilishni birinchi raqamli ustuvor vazifa bo'lishga chaqirdi.

Bosh kotib Rossiya Prezidenti Vladimir Putinga murojaat qildi

"Prezident Putinga chaqiruvimni takrorlayman: harbiy operatsiyani to'xtating. Qo'shinlarni Rossiyaga olib chiqib keting".  Deb ifodalagan  Antonio Guterres

"Barcha a'zolar o'zlarining xalqaro munosabatlarida har qanday davlatning hududiy yaxlitligi yoki siyosiy mustaqilligiga qarshi yoki BMT maqsadlariga to'g'ri kelmaydigan har qanday tahdid yoki kuch ishlatishdan voz kechishlari kerak". U BMT konventsiyasini o‘qib, Rossiyaning harbiy amaliyotining noto‘g‘riligiga e’tibor qaratdi.

Nihoyat, Guterrish yaqin kunlarda qabul qilinadigan qarorlar dunyoni shakllantirib, millionlab insonlar hayotiga bevosita ta’sir ko‘rsatishini, “bu avlodni urush balosidan qutqarish” uchun hali kech emasligini ta’kidladi.