Myanma armiyasi va to'qnashuvlar tufayli taxminan 700 kishi Tailandga qochib ketdi

Myanma armiyasi va to'ntarishga qarshi etnik qurolli guruhlar o'rtasidagi to'qnashuvlar tufayli taxminan 700 kishi Tailandga qochib ketdi.

News 18 xabariga ko'ra, Tailand hukumati va sog'liqni saqlash ko'ngillilari, Myanma armiyasi va to'ntarishga qarshi etnik qurolli Karen milliy ittifoqi (KNU) o'rtasidagi to'qnashuvlar tufayli yuzlab odamlar chegarani kesib o'tib, Tailandga boshpana topgan.

Tailand mahalliy rasmiylarining xabar berishicha, mintaqada janglar kuchayganligi sababli 700 ga yaqin odam, jumladan, bolalar Tailand chegarasidagi Mae Sot shahrida boshpana topgan.

Tailandda joylashgan insonparvarlik yordam jamg‘armasi “Yordam uyushmasi qo‘mitasi” rasmiysi Ye Min, Tailand-Myanma chegarasida 545 nafari bolalar bo‘lgan 2503 nafar Myanmalik qochqinning boshpana olayotganini aytdi.

1-fevralda armiya saylangan hukumatni ag‘darib, Myanmada hokimiyatni qo‘lga kiritganidan beri to‘ntarishga qarshi bo‘lgan etnik guruhlar va xavfsizlik kuchlari o‘rtasida jiddiy to‘qnashuvlar bo‘lib o‘tdi.