Lavrovning qayd etishicha AQSh Rossiya bilan Hindistonning S-400 kelishuviga toʻsiqlik qilmoqda
Lavrov, Rossiya Mudofaa vaziri Sergey Shoygu, Hindiston Tashqi ishlar vaziri Subrahmanyam Jayshankar va Hindiston Mudofaa vaziri Rajnath Singh Hindiston poytaxti Yangi Dehlida 2+2 formatida uchrashuv o‘tkazdi.
Rossiya tashqi ishlar vaziri Sergey Lavrovning qayd etishicha Amerika Qoʻshma Shtatlari (AQSh) Rossiya bilan Hindiston oʻrtasida S-400 zenit raketa tizimlari sohasidagi hamkorlikka toʻsiqlik qilmoqda.
Lavrov, Rossiya Mudofaa vaziri Sergey Shoygu, Hindiston Tashqi ishlar vaziri Subrahmanyam Jayshankar va Hindiston Mudofaa vaziri Rajnath Singh Hindiston poytaxti Yangi Dehlida 2+2 formatida uchrashuv o‘tkazdi.
Bundan tashqari Lavrov va uning hindistonlik hamkasbi Jayshankar alohida uchrashdi.
Ushbu uhrashuvlar ortidan matbuotga bayonotlar bergan Lavrov, muzokaralarda Osiyo-Tinch okeani mintaqasidagi vaziyat muhokama qilinganini bildirdi.
Soʻnggi yillarda bu mintaqada “beqarorlik unsurlari yigʻilganini” ifoda etgan Lavrov,
“Muzokaralar chog‘ida bu yerda goʻyo Hind-Tinch okeani strategiyalari shiori ostida yopiq blokada unsurlarini tashkil etgan Qo‘shma Shtatlari harakatlaridan xavotirda ekanimizni yetkazdik”.-dedi.
Avstraliya-Britaniya-AQSh tomonidan Hind-Tinch okeani mintaqasida tuzilgan AUKUS mudofaa ittifoqini misol keltirgan Lavrov:
“Avstraliyada yadroviy suv osti kemalari ishlab chiqarilishining tashkil etilishi yoki ularning Avstraliyaga jo‘natilishi shuningdek, Avstraliyaning Rarotonga kelishuvidagi (Janubiy Tinch-okeani yadrosiz zonalar toʻgʻrisidagi kelishuvi) talablarga qanchalik amal qilib-qilmasligi masalasida bir necha savollar mavjud”.-deya gapirdi.
Rossiya bilan Hindistonning S-400 zenit raketa tizimlari ustidan kelishib olganini yodga solgan Lavrov, bu kelishuvning Hindiston mudofaa sohasi uchun katta ahamiyatga ega ekanini ta’kidladi.
Lavrov: “Hozircha hammasi reja boʻyicha ketmoqda. Kelishuvlar amalga oshirilmoqda. AQShning bu hamkorlikka putur yetkazish, oʻz qurollari va mintaqaning qanday rivojlanishi kerakligi haqidagi Amerika gʻoyasini Hindiston zimmasiga yuklash tashabbuslariga guvoh boʻlmoqdamiz”.-dedi.
Aloqador xabarlar
Isroil hujumlari oqibatida halok bo‘lganlar soni yana ortdi
Isroil hujumlari oqibatida halok bo‘lgan falastinliklar soni 34 ming 183 nafarga yetdi.