Afg'onistonda masjidda juma namozi vaqtida uyushtirilgan bombali hujumda 15 kishi yaralangan

Dastlabki ma'lumotlarga ko'ra, Afg'oniston sharqidagi Nangarhor viloyatining Spin G’ar tumanidagi masjidda juma namozi vaqtida uyushtirilgan bombali hujumda 15 kishi yaralangan.

Tolibon rasmiylaridan olingan ma’lumotlarga ko‘ra, Spin G’ar tumanidagi Tiriley masjidida juma namozi vaqtida portlash sodir bo‘lgan.

Dastlabki ma’lumotlarga ko‘ra, portlash oqibatida 15 kishi jabrlangan, ulardan ba’zilarining ahvoli og‘ir.

Bomba masjid minbariga qo‘yilgani xabar qilinsa-da, hozircha hech kim hujum uchun javobgarlikni o‘z zimmasiga olgani yo‘q.